პარიზის მოდის კვირეულზე 90-იანების კიდევ ერთი ნაცნობი ტრენდი დაბრუნდა – ამჯერად ყურადღება zig-zag headband-მა მიიპყრო. ტენდენცია განსაკუთრებით აქტუალური მას შემდეგ გახდა, რაც ჯიჯი ჰადიდი Miu Miu-ს ჩვენების შემდეგ სწორედ ამ აქსესუარით გამოჩნდა.
მოდელმა საკმაოდ მარტივი, ყოველდღიური ლუქი შეარჩია – თავისუფალი თეთრი პერანგი, ჯინსი, თეთრი ფეხსაცმელი და ყავისფერი Miu Miu-ს ჩანთა. ერთი შეხედვით უბრალო დეტალმა კი მთლიან ჩაცმულობას 90-იანი წლებისთვის დამახასიათებელი განწყობა შესძინა.
ამ აქსესუარმა ყველაზე დიდი პოპულარობა 1990-იან წლებში და 2000-იანი წლების დასაწყისში მოიპოვა. იმ პერიოდში ის ყოველდღიური სტილის ერთ-ერთი ყველაზე გავრცელებული დეტალი იყო და თმის მარტივად დასამაგრებლად გამოიყენებოდა.
აქსესუარი თანამედროვე მოდის ყურადღების ცენტრში Miu Miu-მ დააბრუნა. მოდის სახლმა 90-იანებისთვის დამახასიათებელი ნივთი თანამედროვე ლუქების ნაწილად აქცია და რეტრო ტენდენციას ახალი სიცოცხლე შესძინა.
მის პოპულარობას პრაქტიკულობაც უწყობს ხელს – მარტივად გამოიყენება, თმას სახიდან აშორებს და განსაკუთრებულ „სტაილინგსაც“ არ მოითხოვს.
თუმცა ტრენდი მხოლოდ პოდიუმის ნაწილი არ არის – მსგავსი აქსესუარით არაერთი ცნობილი ადამიანი გამოჩნდა, მათ შორის ჰეილი ბიბერი, ბელა ჰადიდი და ალექსა დემი.
ასევე დაგაინტერესებთ:
#OK! ჰეილი ბიბერმა კეროლაინ ბესეტ-კენედის საკულტო კაბა მოირგო
#OK! Zara ჯონ გალიანოს ხედვით – დიზაინერის პირველი კოლექცია უკვე გამოვიდა
