დღეს, როცა ჯეიკობ ელორდისა და კენდალ ჯენერის ურთიერთობა საზოგადოების ყურადღების ცენტრშია, გავიხსენოთ მსახიობის ცნობილი რომანები და ქალები, რომლებთანაც მისი სახელი წლების განმავლობაში იყო დაკავშირებული.
ჯოი კინგი
ისინი ერთმანეთს Netflix-ის ფილმის „The Kissing Booth“-ის გადაღებებზე შეხვდნენ. ეკრანზე მათი პერსონაჟები შეყვარებულები იყვნენ, თუმცა კამერების მიღმაც მალევე გაჩნდა რომანტიკული კავშირი.
ელორდი და კინგი 2017 წელს დაახლოვდნენ და მათი ურთიერთობა დაახლოებით ერთი წელი გაგრძელდა. წყვილი ხშირად ჩნდებოდა ერთად. მათი რომანი იმ პერიოდისთვის ჰოლივუდის ერთ-ერთ ყველაზე ცნობილ სიყვარულის ისტორიად იქცა.
ურთიერთობა 2018 წლის ბოლოს დასრულდა, თუმცა პროფესიული ცხოვრება ამით არ შეწყვეტილა. ყოფილ შეყვარებულებს „The Kissing Booth“-ის გაგრძელებებში კვლავ ერთად უნდა ემუშავათ, რაც მარტივი არ ყოფილა.
ზენდაია
2019 წელს ჯეიკობ ელორდის სახელი უკვე ზენდაიას დაუკავშირდა. ისინი HBO-ს სერიალში „Euphoria“ ერთად თამაშობდნენ – ზენდაია რუ ბენეტის როლს ასრულებდა, ელორდი კი ნეიტ ჯეიკობსის პერსონაჟს განასახიერებდა.
მათ შორის რომანტიკული ურთიერთობის შესახებ ჭორები 2019 წლის ზაფხულში გაჩნდა, როდესაც მსახიობები საბერძნეთში ერთად დასვენებისას გადაიღეს. მოგვიანებით ისინი ნიუ-იორკშიც არაერთხელ შენიშნეს
მედია მათ ურთიერთობას 2019-2020 წლებში აქტიურად განიხილავდა, თუმცა არც ზენდაიას და არც ელორდის რომანი ოფიციალურად არ დაუდასტურებია.
კაია გერბერი
ზენდაიას შემდეგ ელორდის ცხოვრებაში კაია გერბერი გამოჩნდა. ცნობილი სუპერმოდელის, სინდი კროუფორდის ქალიშვილი მსახიობთან 2020 წელს დაახლოვდა.
ისინი პირველად ერთად მალიბუში დააფიქსირეს. თავდაპირველად წყაროები ამბობდნენ, რომ მათი ურთიერთობა სერიოზული არ იყო, თუმცა მალევე ყველაფერი შეიცვალა. წყვილმა ურთიერთობა გაასაჯაროვა და ერთად არაერთხელ გამოჩნდა.
წყვილი 2021 წელს დაშორდა. კაიასთან ურთიერთობა ელორდის სასიყვარულო ისტორიაში ერთ-ერთ ყველაზე მნიშვნელოვან პერიოდადაც ითვლება – სწორედ ამის შემდეგ დაიწყო მისი ხანგრძლივი, არასტაბილური რომანი ოლივია ჯეიდ ჯანულისთან.
ოლივია ჯეიდი
მათი ურთიერთობა თავიდანვე საკმაოდ ფრთხილად ვითარდებოდა. წყვილი იშვიათად ჩნდებოდა საჯაროდ და საკუთარ რომანზე კომენტარს თითქმის არასოდეს აკეთებდა.
2022 წელს გავრცელდა ინფორმაცია, რომ ისინი დაშორდნენ. თუმცა რომანი აქ არ დასრულებულა – თვეების შემდეგ ელორდი და ჯეიდი კვლავ ერთად შენიშნეს, ისინი იტალიაში, შემდეგ კი აიდაჰოში გადაიღეს, სადაც ოლივიას ოჯახთან ერთად გაატარეს დრო. ერთ-ერთმა წყარომ მაშინ People-ს უთხრა, რომ “ურთიერთობა სერიოზულდებოდა.”
2024 წელს დაშორების შესახებ გავრცელებული ცნობების მიუხედავად, ისინი ისევ ერთად გამოჩნდნენ. 2025 წელს კი მათი ურთიერთობის შესახებ ახალი ჭორები გავრცელდა. სექტემბერში წყარომ People-ს უთხრა, რომ ისინი კვლავ ხვდებოდნენ ერთმანეთს, თუმცა ეს შერიგებაც ხანმოკლე აღმოჩნდა – ოქტომბერში უკვე საბოლოო დაშორების შესახებ გავრცელდა ინფორმაცია.
კენდალ ჯენერი
2026 წელი ჯეიკობ ელორდის პირად ცხოვრებაში ყველაზე საინტერესო აღმოჩნდა. მისი სახელი ამჯერად კენდალ ჯენერს დაუკავშირდა -ეს რომანი უკვე სხვა მასშტაბის ყურადღების ცენტრში მოექცა.
ურთიერთობის შესახებ ჭორები გაზაფხულზე, Coachella-ს პერიოდში გავრცელდა. მალე წყვილი ჰავაიზე ერთად გადაიღეს. მოგვიანებით იყო იაპონია, ლოს-ანჯელესი და აიდაჰო. აგვისტოში წყვილი ლონდონში ერთად გამოჩნდა. ჯეიკობი იქ თავისი ახალი ფილმის, „The Dog Stars“-ის პრემიერისთვის იმყოფებოდა, კენდალი კი მას მოგვიანებით შეუერთდა. ისინი ერთად სადილზე გადაიღეს, შემდეგ კი ხელჩაკიდებულებიც გამოჩნდნენ. განსაკუთრებული ყურადღება მიიპყრო იმანაც, რომ ერთ-ერთ საღამოს მათთან ერთად ჯეიკობის მამა იმყოფებოდა.
ასევე დაგაინტერესებთ:
#OK! კენდალ ჯენერი და ჯეიკობ ელორდი ლონდონში ერთად გამოჩნდნენ – წყვილი ურთიერთობას აღარ მალავს
