კენდალ ჯენერი და ჯეიკობ ელორდი ურთიერთობის დამალვას აღარ ცდილობენ — წყვილი ხუთშაბათს საღამოს ლონდონში, რესტორნიდან გამოსვლისას დააფიქსირეს. 30 წლის მოდელს ტანზე მომდგარი ნაცრისფერი კაბა ეცვა, რომელიც მუქ ფეხსაცმელსა და სათვალეს შეუხამა.
მანამდე ელორდი ლესტერ-სკვერზე, Odeon Luxe Leicester Square-ში, რიდლი სკოტის ახალი ფილმის The Dog Stars მსოფლიო პრემიერას დაესწრო. მსახიობმა მუქი ლურჯი, ზოლიანი Bottega Veneta-ს კოსტიუმი, თხელი ჰალსტუხი და ვერცხლის საყურეები მოირგო.
The Dog Stars რიდლი სკოტის პოსტაპოკალიფსური თრილერია, რომელიც პიტერ ჰელერის 2012 წელს გამოცემულ ამავე სახელწოდების რომანს ეფუძნება. ფილმის მოქმედება პანდემიის შემდეგ, თითქმის დაცარიელებულ სამყაროში ვითარდება, სადაც ადამიანების უმეტესობა დაღუპულია. ჯეიკობ ელორდი ჰიგის როლს ასრულებს – ყოფილი პილოტის, რომელიც მიტოვებულ აეროპორტში თავის ძაღლთან და სამხედრო გადარჩენის სპეციალისტ ბანგლისთან ერთად ცხოვრობს. იდუმალი რადიოსიგნალის მიღების შემდეგ, ის უცნობი და სახიფათო მოგზაურობის დაწყებას გადაწყვეტს.
ფილმში ელორდის გარდა ჯოშ ბროლინი, მარგარეტ კუალი, გაი პირსი, ბენედიქტ ვონგი და ელისონ ჯენი მონაწილეობენ. The Dog Stars კინოთეატრებში 28 აგვისტოს გამოვა.
რაც შეეხება კენდალსა და ჯეიკობს, წყვილი ბოლო თვეებში ერთად არაერთხელ გამოჩნდა – მათ შორის ჰავაიში, იაპონიასა და ავსტრალიაში. მიუხედავად ამისა, მათი წითელი ხალიჩის დებიუტი ჯერ არ შემდგარა.
The Dog Stars-ის პრემიერაზე ჯეიკობი ფოტოგრაფების წინაშე თავის ოთხფეხა კოლეგასთან, ბელგიურ მალინოის რაკ ჯასპერთან ერთად პოზირებდა.
ასევე დაგაინტერესებთ:
#OK! კენდალ ჯენერი ყოფილი შეყვარებულის გუნდის თამაშს ახალ შეყვარებულთან ერთად დაესწრო
