სინდი კროუფორდი და რენდი გერბერი, შვილის, პრესლი გერბერის გარდაცვალების შემდეგ, საზოგადოებაში პირველად გამოჩნდნენ. 10 ოქტომბერს წყვილი მალიბუში, ზუმას სანაპიროზე სეირნობისას გადაიღეს.
60 წლის სინდი კროუფორდს თეთრი გრძელმკლავიანი მაისური, შავი შარვალი და სპორტული ფეხსაცმელი ეცვა, ხოლო რენდი გერბერს – თეთრი მაისური, შავი შორტები და კეპი. წყვილი ჩვეულებრივ, სპორტულ სამოსში იყო გამოწყობილი და ცდილობდა, ყურადღების ცენტრში არ მოქცეულიყო.
პრესლი გერბერი 20 სექტემბერს კალიფორნიაში, სანტა მონიკაში მდებარე სარეაბილიტაციო დაწესებულებაში გარდაიცვალა. სამართალდამცავებმა შეტყობინება სავარაუდო ზედოზირებისა და გულის გაჩერების შესახებ დილით მიიღეს. ექსპერტიზა უკვე ჩატარდა, თუმცა ლოს-ანჯელესის ოლქის სამედიცინო ექსპერტიზის სამსახურს გარდაცვალების ოფიციალური მიზეზი ჯერ არ დაუსახელებია.
PEOPLE–ის ინფორმაციით, სინდი კროუფორდი და რენდი გერბერი წლების განმავლობაში ეძებდნენ გზებს, რომლებიც პრესლის დამოკიდებულების დაძლევაში დაეხმარებოდა. ოჯახის ახლო წყაროს ცნობით, მან როგორც სტაციონარული თერაპია, ისე ამბულატორიული სარეაბილიტაციო პროგრამები გაიარა, ოჯახი კი სხვა, მათ შორის ჰომეოპათიურ მეთოდებსაც მიმართავდა. მშობლებმა ერთზე მეტი სიფხიზლის მწვრთნელიც, ე.წ. sober coach, დაიქირავეს.
სინდი კროუფორდი და რენდი გერბერი 1998 წელს დაქორწინდნენ. პრესლის გარდა, მათ ქალიშვილი, მოდელი და მსახიობი კაია გერბერიც ჰყავთ.
ასევე დაგაინტერესებთ:
#OK! სინდი კროუფორდის ერთადერთი ვაჟი, პრესლი გერბერი, 27 წლის ასაკში გარდაიცვალა
