3 ნოემბერს ამერიკელი მოდელი და რეალითი შოუს ვარსკვლავი კენდალ ჯენერი 31 წლის გახდა. კარდაშიანების ოჯახის ერთ-ერთი ყველაზე ცნობილი წარმომადგენელი წლებია მოდის ინდუსტრიის წამყვანი სახეა, თუმცა მისი ცხოვრება მხოლოდ პოდიუმებს, კამერებსა და ცნობილ ოჯახს არ უკავშირდება – გთავაზობთ რამდენიმე საინტერესო ფაქტს კენდალ ჯენერის შესახებ.
კენდალის სრული სახელია კენდალ ნიკოლ ჯენერი. მისი მეორე სახელი ნიკოლ დედამ, კრის ჯენერმა, ოჯახის მეგობრის, ნიკოლ ბრაუნ სიმპსონის პატივსაცემად შეურჩია.
სამოდელო კარიერა კენდალმა 14 წლის ასაკში დაიწყო. 2009 წელს ის სამოდელო სააგენტო Wilhelmina Models-ს შეუერთდა, პირველი მნიშვნელოვანი სარეკლამო კამპანია კი Forever 21-ისთვის გადაიღო.
მიუხედავად იმისა, რომ ბავშვობიდან კამერების წინ იზრდებოდა, კენდალი რეალურად საკმაოდ მორცხვი იყო. ოჯახის რეალითი შოუში მონაწილეობა მისთვის ყოველთვის კომფორტული არ ყოფილა -არაერთხელ უთქვამს, რომ პირადი ცხოვრების გასაჯაროება არ უყვარს.
ცხენოსნობა კენდალის ბავშვობის ერთ-ერთი ყველაზე დიდი გატაცებაა. ჯირითი ძალიან პატარა ასაკში დაიწყო და დღემდე თავისუფალი დროის მნიშვნელოვან ნაწილს ცხენებთან ატარებს. ეს ჰობი მისთვის მხოლოდ გართობა არ არის – თავად ამბობს, რომ ცხენოსნობა ყოველდღიური სტრესისგან გათავისუფლებაში ეხმარება.
საკუთარი ტეკილას ბრენდის შექმნამდე კენდალმა პროდუქტი ანონიმურად გამოსცადა. 2021 წელს მან 818 Tequila წარადგინა, თუმცა მანამდე სასმელი სხვადასხვა კონკურსზე საკუთარი სახელის გარეშე გაგზავნა. სურდა გაეგო, როგორ შეაფასებდნენ პროდუქტს მხოლოდ გემოს მიხედვით და არა ცნობილი გვარის გამო.
ბრენდის სახელწოდება 818 შემთხვევითი არ არის. ეს კალიფორნიის სან-ფერნანდოს ველის სატელეფონო კოდია – იმ რეგიონის, სადაც კენდალი გაიზარდა.
კენდალს განსაკუთრებულად აინტერესებს ინტერიერის დიზაინი და არქიტექტურა. თავისუფალ დროს უყვარს სახლების, ინტერიერებისა და უჩვეულო არქიტექტურული შენობების დათვალიერება. ამ ინტერესის ნაწილი საკუთარ სახლშიც აისახა, რომლის მოწყობაშიც თავად აქტიურად მონაწილეობდა.
პირადი სივრცე იმდენად უყვარს, რომ ლოს-ანჯელესის სახლი ოჯახის წევრების საცხოვრებლებისგან მოშორებით შეარჩია. არაერთხელ უთქვამს, რომ მარტო ყოფნა და საკუთარ თავთან დროის გატარება სჭირდება.
კენდალს საკმაოდ უჩვეულო ჩვევა აქვს – აბაზანის სარკეზე ბავშვობის ფოტოები აქვს გაკრული. როგორც Vogue-თან ინტერვიუში აღნიშნა, ეს მისთვის ერთგვარი შეხსენებაა, რომ საკუთარი თავის მიმართ უფრო კეთილგანწყობილი უნდა იყოს. როდესაც გარეგნობას ზედმეტად აკრიტიკებს ან რთულ პერიოდს გადის, ბავშვობის ფოტოებს უყურებს და ცდილობს, საკუთარ თავს ისეთივე სიყვარული და მზრუნველობა აჩუქოს, როგორსაც პატარა ასაკში იმსახურებდა.
ასევე დაგაინტერესებთ:
