ჟურნალისტმა და ტელეწამყვანა, ნანუკა ჟორჟოლიანმა თავისი გადაცემა მენტალურ ჯანმრთელობას და წონაში სწორად კვებას დაუთმო. გადაცემაში ისაუბრა როგორც თავის გამოცდილებაზე ასევე სხვა ადამიანების ისტორიებზეც. ერთ-ერთი სტუმარი გახლდათ იაკო ჭალაგანიძე რომელმაც 18 საათიანი დიეტით 73 კილო დაიკლო:
„ თავიდან139 კილოგრამს ვიწონიდი. ამ წონაზე 4 ლიტრს წყალს ვსვამდი. აქედან 1 ლიტრი გრეიპფრუტიანი იყო, რომელსაც ნელ-ნელა, ყლუპ-ყლუპობით ვიღებდი. 18-საათიანი დიეტით დავიკელი. პირველ კვებას დილის 10 საათზე ვიწყებდი. პანდემიის დროს ბაკურიანში ვიყავი, არ იყო არც რესტორანი, არც კაფე, სახლში ვიყავი და ამან ეს პროცესი ძალიან გამიადვილა.“
მან დეტალურად ისაუბრა იმ მეთოდზე რომელიც თავად შეიმუშავა და მის შემთხვევაში ძალიან გაამართლა:
„რასაც მთელი დღის განმავლობაში ჩემი ოჯახის წევრები ჭამდნენ და მე ძალიან მინდებოდა და არ შემეძლო, რომ მეჭამა, მეორე დღეს, დილის 10 საათზე ვჭამდი. თავად შევიმუშავე გრაფიკი. 4 საათზე ვცდილობდი, რომ ძალიან მცირე ულუფა მიმეღო, ძირითადად ცილები. მაგალითად, კვერცხი, ხორცი – შემწვარიც და მოხარშულიც. არ ვიზღუდავდი თავს. პური, ხაჭაპური არ მენატრებოდა იმიტომ, რომ დილის 10 საათზე ჩემს თავს ვაძლევდი უფლებას, ხაჭაპურიც მეჭამა. რა თქმა უნდა, ყოველდღე არა. არაფრის მონატრება არ მქონდა. ტკბილი რომ მინდებოდა, ჩვეულებრივ, რა შოკოლადიც იყო, იმას ვჭამდი, მაგრამ ადეკვატური ზომებით. 9 თვის მანძილზე იმდენად მოტივირებული ვიყავი, რომ უნდა დამეკლო, რომ არც ერთხელ არ მახსოვს, რომ დიეტა დამერღვია.“
როგორც თავად ამბობს, მას ამ პროცესში პანდემიის პერიოდმა ხელი ძალიან შეუწყო:
„პანდემიის დროს, წელიწად-ნახევარი ვიყავი ბაკურიანში, მეგობრები ნანახი არ მყავდა და როდესაც თბილისში ჩამოვედი, სრული შოკი ჰქონდათ. ყველას ვეუბნები, ორშაბათს ნუ დაელოდებით. სამშაბათი საღამო იყო, სავარძელში ვიჯექი და ვთქვი, რომ ხვალიდან დიეტას ვიწყებდი. ოთხშაბათ დღეს რომ დავიწყე, 3 კვირაში 9 კილო მქონდა დაკლებული.“
ასევე იხილეთ:
#OK! „წონა ვერასდროს განსაზღვრავს მიმზიდველობას“ – ნანუკა ჟორჟოლიანის რჩევები საზოგადოებას!
