შვედეთის ქალაქ მალმეში ევროვიზიის სიმღერის კონკურსის ფინალი გაიმართა, სადაც საქართველოს წარმომადგენელმა ნუცა ბუზალაძემ თავისი საკონკურსო სიმღერა “Firefighter” შეასრულა. ქართველმა მომღერალმა 7 წლის შემდეგ საქართველო ფინალში გაიყვანა, თუმცა ევროვიზიის კონკურსზე ქვეყნის საუკეთესო შედეგი ვერ გააუმჯობესა, იგი ჟიურისა და მაყურებლის გადაწყვეტილებით 21-ე ადგილზე გავიდა.
View this post on Instagram
ევროვიზია 2024 წლის გამარჯვებული შვეიცარია გახდა- Nemo სიმღერით “The Code”, მან ჯამში 591 ქულა მიიღო. შესაბამისად, ევროვიზიის მომავალი მასპინძელი ქვეყანა შვეიცარია იქნება. მეორე ადგილზე კონკურსის ისტორიაში ხორვატია გავიდა, ხოლო მესამე და მეოთხე ადგილები უკრაინამ და საფრანგეთმა გაინაწილეს.
View this post on Instagram
ევროვიზია 2024-ის ფინალში 25 ქვეყანა წარსდგა: საქართველო,შვედეთი, უკრაინა, გერმანია, ლუქსემბურგი, ისრაელი, ლიეტუვა, ესპანეთი, ესტონეთი, ირლანდია, ლატვია, საბერძნეთი, დიდი ბრიტანეთი, ნორვეგია, იტალია, სერბეთი, ფინეთი, პორტუგალია, სომხეთი, კვიპროსი, შვეიცარია, სლოვენია, ხორვატია, საფრანგეთი და ავსტრია.
საქართველომ ჟიურის ქულები შემდეგი ქვეყნებიდან მიიღო: 7 ქულა – აზერბაიჯანისგან, 2 ქულა – მალტისგან, 2 ქულა – ისრაელისგან, 1 ქულა – ნორვეგიისგან, 3 ქულა – სომხეთისგან, მაყურებლისგან კი – 19. საერთო ჯამში, 34 ქულით საქართველო 21-ე ადგილზე გავიდა.
წესების მიხედვით, ნახევარფინალიდან ფინალში გადასვლას მხოლოდ მაყურებელი წყვეტდა, ფინალურ შოუზე კი, ხალხთან ერთად, ჟიურიც იღებდა მონაწილეობას.
ფინალური შედეგები შემდეგნაირად გამოიყურება:
საქართველოს ჟიურიმ უმაღლესი 12 ქულა ევროვიზია 2024 წლის გამარჯვებულს შვეიცარიას დაუწერა. დანარჩენი ქულები კი ასე გადანაწილდა:
ევროვიზიის კონკურსის ფინალის დასრულების შემდეგ ნუცა ბუზალაძემ საკუთარი facebook-ის საშუალებით ქართველ მაყურებელს მადლობა გადაუხადა და აღნიშნა, რომ ბედნიერია იმ შედეგით, რომელიც საქართველომ წელს ევროვიზიაზე აჩვენა.
ძალიან ბედნიერი ვარ იმ შედეგით, რაც საქართველომ დადო წელს ევროვიზიაზე, იმიტომ, რომ ამდენხნიანი წარუმატებლობის შემდეგ ის ფაქტი, რომ ჩვენ მოვხვდით ფინალში და საქართველოს დროშამ იფრიალა, ეს არის ძალიან დიდი გამარჯვება. ყველა აღნიშნავდა, რომ საუკეთესო გამოსვლა გვქონდა, სწორედ ეს არის ყველაზე მნიშვნელოვანი. დარწმუნებული ვარ, საქართველოს უფრო და უფრო კარგი შედეგი ექნება ევროვიზიაზე, ამისთვის მეც ყველაფერს გავაკეთებ და ჩემს წვლილს შევიტან.
ევროვიზიის კონკურსის ფინალში 2024 წლამდე, საქართველო ბოლოს 2016-ში გავიდა, მაშინ ნიკა კოჩაროვმა და ჯგუფმა “Young Georgian Lolitaz” სიმღერით “Midnight Gold”-ით მეოცე ადგილზე გავიდნენ. Ევროვიზიის კონკურსზე საქართველოს საუკეთესო შედეგი სოფო ნიჟარაძემ და ჯგუფმა „Eldrine“-მა მოუტანეს 2010 და 2011 წლებში სიმღერებით „Sine“ და „One More Day“, მათ მე-9 ადგილი დაიკავეს.
Ცნობისთვის, Საქართველოს დებიუტი ევროვიზიაზე 2007 წელს შედგა. Პირველი წარმომადგენელი სოფო ხალვაში გახლდათ, რომელმაც კარგი შედეგი აჩვენა და მე-12 ადგილი დაიმსახურა სიმღერით “Visionary Dream”. Საქართველოს სახელით ევროვიზიის კონკურსში მონაწილეობდა დიანა ღურწკაია, რომელმაც მე-11 ადგილი დაიკავა. 2009 წელს საქართველოს შიდა შესარჩევი კონკურსის გამარჯვებული ჯგუფი “სტეფანე და 3G” გახდა. ჯგუფს საქართველოს სახელით მოსკოვში გამართულ ევროფესტივალზე უნდა შეესრულებინა სიმღერა – “Put In Disco”, ევროპის მაუწყებელთა კავშირმა უხერხულობის თავიდან ასაცილებლად ქართულ მხარეს სიმღერის შეცვლა შესთავაზა, რამაც უკმაყოფილება გამოიწვია. მოგვიანებით, საბოლოოდ, საქართველომ კონკურსში მონაწილეობაზე უარი განაცხადა.
