47 წლის კეიტ მოსი ერთ-ერთი ყველაზე მაღალანაზღაურებადი და მოთხოვნადი სუპერმოდელია, თუმცა დიდი პოპულარობის მიუხედავად ის პაპარაცების ობიექტივში არც თუ ისე ხშირად ხვდება. როგორც ჩანს ამჯერად მოდელმა გამონაკლისი დაუშვა, როდესაც ლონდონის ქუჩებში გამოჩნდა.
კეიტს შავი მაისური და ჯინსის შარვალი ეცვა, რომელსაც წითელ და თეთრ ფერებში გადაწყვეტილი პერანგი და ტყავის, შავი თრენჩი შეუხამა. იმიჯის სრულყოფილებაში მოსაყვანად კი მან შავი ჩანთა, ამავე ფერის ფეხსაცმელი და ოქროს აქსესუარები შეარჩია.
