ქუთაისის გასტრონომიულ სივრცეში რესტორანი „ხუტოროკი“ უკვე 25 წელია სტუმრებს უკრაინული სამზარეულოს ტრადიციულ გემოებსა და გამორჩეულ კულინარიულ გამოცდილებას სთავაზობს. რესტორნის კონცეფცია უკრაინული გასტრონომიული მემკვიდრეობისა და ავთენტური რეცეპტების შენარჩუნებას ეფუძნება, რასაც კერძების ხარისხზე ზრუნვა, სტუმარზე ორიენტირებული მომსახურება და თბილი, მყუდრო გარემო ავსებს. მრავალწლიანი გამოცდილების განმავლობაში „ხუტოროკმა“ ადგილობრივი მომხმარებლების ნდობა მოიპოვა და ქუთაისის სტუმრებისთვისაც საინტერესო გასტრონომიულ სივრცედ ჩამოყალიბდა. ტრადიციული გემოების ერთგულების პარალელურად, რესტორანი მენიუს განვითარებასა და მომსახურების გაუმჯობესებაზეც მუშაობს. „ხუტოროკის“ ისტორიაზე, კონცეფციაზე, სტუმრების გამოცდილებასა და სამომავლო გეგმებზე OK! Magazine Georgia-სთან ინტერვიუში რესტორნის წარმომადგენელი საუბრობს.

როგორ დაიწყო „ხუტოროკის“ ისტორია და რატომ გადაწყვიტეთ ქუთაისში უკრაინული სამზარეულოს რესტორნის გახსნა?
„ხუტოროკის“ ისტორია უკვე 25 წელს ითვლის. ამ ხნის განმავლობაში რესტორანმა არაერთი ეტაპი გაიარა და თავისი ადგილი დაიმკვიდრა ქუთაისის კვების ობიექტებს შორის. მისი დაარსების საფუძველი იყო სურვილი, ქუთაისელებისთვის გაგვეცნო უკრაინული სამზარეულოს ტრადიციები, კერძების მრავალფეროვნება და გამორჩეული გემოები.
რა არის „ხუტოროკის“ მთავარი კონცეფცია და რით გამოარჩევთ თქვენს რესტორანს ქუთაისის გასტრონომიულ სივრცეში?
„ხუტოროკის“ მთავარი კონცეფცია უკრაინული სამზარეულოს ავთენტური გემოსა და ტრადიციების შენარჩუნებაა. ჩვენთვის მნიშვნელოვანია, სტუმრებს შევთავაზოთ არა უბრალოდ კერძები, არამედ გავაცნოთ უკრაინული კულინარიის კულტურა, მისი მრავალფეროვნება და თავისებურებები. ჩვენთვის მნიშვნელოვანია ტრადიციული გემოების შენარჩუნება, კერძების ხარისხი და ის გარემო, სადაც სტუმარს დაბრუნების სურვილი გაუჩნდება.

უკრაინულ სამზარეულოს გამორჩეული კულინარიული ტრადიციები აქვს. როგორ ინარჩუნებთ ამ ავთენტურობას და რამდენად ითვალისწინებთ ადგილობრივი მომხმარებლის გემოვნებას?
ჩვენთვის უკრაინული სამზარეულოს ავთენტურობის შენარჩუნება ერთ-ერთი მთავარი პრიორიტეტია. ვცდილობთ, კერძები მოვამზადოთ უკრაინული კულინარიული ტრადიციების შესაბამისად,ამასთან, კარგად გვესმის, რომ ადგილობრივი მომხმარებლის გემოვნებასა და კვების კულტურასაც თავისი თავისებურებები აქვს. წლების განმავლობაში სტუმრებთან ურთიერთობამ გვასწავლა მათი სურვილებისა და ინტერესების გათვალისწინება. თუმცა, ჩვენი მიზანი არ არის უკრაინული კერძების ქართულ გემოზე მორგება ისე, რომ მათ პირვანდელი სახე დაკარგონ. პირიქით, გვინდა, სტუმრებს შევთავაზოთ განსხვავებული გემო და მივცეთ შესაძლებლობა, შეიყვარონ უკრაინული სამზარეულო ისეთი, როგორიც სინამდვილეშია.
რომელი კერძებია თქვენი მენიუს მთავარი სავიზიტო ბარათი და რას ურჩევდით სტუმარს, რომელიც უკრაინულ სამზარეულოს პირველად ეცნობა?
ჩვენი მენიუს გამორჩეული კერძებია უკრაინული ბორში, ვარენიკები, კიევური კატლეტი და სხვადასხვა სახის წვნიანები. სტუმრებს, რომლებიც პირველად ეცნობიან უკრაინულ სამზარეულოს, სწორედ ამ კერძების დაგემოვნებას ვურჩევდით.

გასტრონომიული გამოცდილება მხოლოდ კერძებით არ შემოიფარგლება. როგორ გარემოსა და ატმოსფეროს სთავაზობთ სტუმრებს და რა არის თქვენთვის განსაკუთრებით მნიშვნელოვანი მომსახურების პროცესში?
ჩვენთვის მნიშვნელოვანია, სტუმარმა „ხუტოროკში“ თავი კომფორტულად და შინაურულად იგრძნოს. ვცდილობთ, შევქმნათ მშვიდი, თბილი და მყუდრო გარემო, სადაც ადამიანები შეძლებენ სასიამოვნოდ გაატარონ დრო ოჯახთან და მეგობრებთან ერთად.
ვინ არიან „ხუტოროკის“ ძირითადი სტუმრები – ადგილობრივი მომხმარებლები თუ ტურისტები? როგორია მათი დამოკიდებულება უკრაინული სამზარეულოს მიმართ?
ჩვენი სტუმრები არიან როგორც ქუთაისელები, ისე საქართველოს სხვადასხვა კუთხიდან ჩამოსული ადამიანები და უცხოელი ტურისტები. ადგილობრივ მომხმარებლებს უკვე წლებია უყვართ ჩვენი სამზარეულო, ტურისტებისთვის კი „ხუტოროკი“ შესაძლებლობაა, ქუთაისში უკრაინულ კულინარიულ ტრადიციებს გაეცნონ.
რამდენად მნიშვნელოვანია თქვენთვის სტუმრების უკუკავშირი და როგორ აისახება მათი შეფასებები მომსახურების ხარისხსა და მენიუს განვითარებაზე?
სტუმრების აზრი ჩვენთვის ძალიან მნიშვნელოვანია. ყურადღებით ვისმენთ მათ შეფასებებს, სურვილებსა და რეკომენდაციებს. მათი უკუკავშირი გვეხმარება, დავინახოთ, რა მოსწონთ ყველაზე მეტად და რაზე გვჭირდება მუშაობა. ვითვალისწინებთ როგორც კერძების ხარისხთან, ისე მომსახურებასთან დაკავშირებულ მოსაზრებებს.

რესტორნის განვითარებისთვის მნიშვნელოვანია სიახლეების შეთავაზება. რა შეიცვალა „ხუტოროკში“ ბოლო პერიოდში და რა სიახლეებს გეგმავთ სტუმრებისთვის უახლოეს მომავალში?
„ხუტოროკი“ მუდმივად ცდილობს, ფეხი აუწყოს დროსა და სტუმრების მოთხოვნებს. ბოლო პერიოდში განსაკუთრებული ყურადღება დავუთმეთ მენიუს მრავალფეროვნებას და სამომავლოდაც ვგეგმავთ ახალი კერძების შეთავაზებას, მენიუს განახლებასა და ისეთი სიახლეების დანერგვას, რომლებიც სტუმრებს კიდევ უფრო მრავალფეროვან კულინარიულ გამოცდილებას შესთავაზებს.
როგორ ხედავთ „ხუტოროკის“ ადგილს ქუთაისის მზარდ გასტრონომიულ და ტურისტულ სივრცეში? რა შესაძლებლობებს ქმნის ეს თქვენი რესტორნისთვის?
ქუთაისი სულ უფრო საინტერესო ხდება ტურისტებისთვის, რაც ადგილობრივი გასტრონომიული სივრცის განვითარებისთვისაც მნიშვნელოვანია. ვფიქრობთ, „ხუტოროკს“ ამ პროცესში თავისი გამორჩეული ადგილი აქვს, რადგან ქალაქის სტუმრებს ვთავაზობთ განსხვავებულ კულინარიულ გამოცდილებას – უკრაინულ სამზარეულოს. ეს გვაძლევს შესაძლებლობას, უფრო მეტ ადამიანს გავაცნოთ უკრაინული კულინარიული ტრადიციები, გავაფართოოთ ჩვენი სტუმრების წრე და წვლილი შევიტანოთ ქუთაისის გასტრონომიული მრავალფეროვნების განვითარებაში.
რა არის „ხუტოროკის“ სამომავლო გეგმები და როგორი გსურთ იყოს რესტორანი რამდენიმე წლის შემდეგ?
გვინდა, „ხუტოროკი“ კიდევ უფრო ცნობადი გახდეს არა მხოლოდ ქუთაისში, არამედ მის ფარგლებს გარეთაც. ჩვენი სურვილია, მეტ ადამიანს გავაცნოთ უკრაინული კულინარიული კულტურა, შევთავაზოთ ახალი გემოები და შევქმნათ მეტი შესაძლებლობა განსხვავებული გასტრონომიული გამოცდილებისთვის. გვინდა, რესტორანი იყოს ადგილი, რომელსაც სტუმრები განსაკუთრებული კერძების, სასიამოვნო გარემოსა და საკუთარი გამოცდილების გამო აირჩევენ.












