„ბინომ გრუპი“ ქართული კომპანიაა, რომელიც წელიწადია ბაზარზე პოზიციონირებს. კომპანია დაკომპლექტებულია პროფესიონალთა გუნდით, რომლის მთავარ მიზანს წარმოადგენს მომხმარებლის ნდობის მოპოვება, სწორედ ამიტომ „ბინომ გრუპი“ ორიენტირებულია ხარისხსა და სიახლეზე. ახალი პროექტის შესახებ ჟურნალ OK!-ის კომპანიის დამფუძნებელი − ირაკლი სვანიძე ესაუბრა.
მოგვიყევით კომპანიის შესახებ. რას სთავაზობთ მომხმარებელს?
კომპანია „ბინომ გრუპი“ დაარსდა 2021 წელს. ჩვენი მთავარი მიზანია, ავაშენოთ პრემიუმკლასის საცხოვრებელი სახლები გამწვანებული ეზოებით. ჩვენი გუნდისთვის მთავარია ხარისხი და საკუთარ თავზე აღებული პასუხისმგებლობის შესრულება.
ამჟამად კომპანია ახორციელებს კიკეთში პრემიუმკლასის საცხოვრებელი 4 სახლის მშენებლობას. ორიენტირებულები ვართ, რომ არ მივბაძოთ სხვა კომპანიებს, შევიმუშაოთ ჩვენი სტილი და დავნერგოთ ახალი სტანდარტი მშენებლობაში, მაგ: აღნიშნული პროექტის ფარგლებში თითოეულ სახლს მოჰყვება „სახლის პასპორტი“, სადაც დეტალურად იქნება აღწერილი სახლების მშენებლობა − დაწყების დღიდან დასრულებამდე, რეპორტების სისტემა, მასალათა სერტიფიკატები, ლაბორატორიული დასკვნები და სხვ.
გაგვაცანით თქვენი ახალი პროექტი.
კომპანია სექტემბერში დაასრულებს ორი კერძო სახლის მშენებლობას. აღნიშნული სახლების სახურავი გამოყენებული იქნება ვერანდებად. მაღალი დონის იზოლაცია და თანამედროვე დრენაჟის სისტემა საშუალებას მოგვცემს მომხმარებელს შევთავაზოთ „გრინ რუფის“ გადახურვა, ანუ სახურავზე დავთესოთ ნამდვილი ბალახი, რაც ერთი შეხედვით დიზაინში ძალიან მიმზიდველი იქნება, რადგან აღნიშნული სახლები შენდება კიკეთის მუხნარის პარკში, სადაც მუხის 100-წლოვანი ტყეა გაშენებული, ხოლო მეორე მხრივ აღნიშნული სისტემა შესანიშნავად მუშაობს სახურავის თბოიზოლაციის კუთხით.
რაც შეეხება დარჩენილ ორ სახლს, მათი მშენებლობა ჯერ არ არის დაწყებული. ჩვენი კომპანია მომხმარებელს აძლევს იმის საშუალებას, რომ დარჩენილი ორი სახლი აშენდეს მხოლოდ და მხოლოდ მათი სურვილითა და გემოვნებით.
გვესაუბრეთ ხარისხზე.
„ბინომ გრუპის“ მთავარი მიზანია, პრემიუმკლასის სახლებს მართლა ერქვათ პრემიუმკლასი. ჩვენთვის მნიშვნელოვანია კმაყოფილი მომხმარებელი, შესაბამისად მათ შევთავაზოთ ხარისხიანი მასალებით ხარისხიანი მშენებლობა და არა მხოლოდ. საჭიროა მომხმარებლის სწორად ინფორმირება. სწორედ რეპორტინგის სისტემა და სახლის პასპორტი დამკვეთს მისცემს საშუალებას, გაეცნოს გამოყენებული მასალების სერტიფიკატებს, ასევე ლაბორატორიულ დასკვნებს, და დარწმუნდეს ხარისხში.
სამომავლო გეგმები…
„ბინომ გრუპი“ შემდეგ პროექტს უფრო მასშტაბურს გეგმავს. 4 სახლის შემდეგ გადავწყვიტეთ ავაშენოთ დასახლება თბილისთან ახლოს, ეკოლოგიურად ჯანსაღ გარემოში, სადაც იქნება სხვადასხვა სივრცე, როგორიცაა ჩოგბურთის კორტი, აუზი, გასართობი პარკი და სხვ.
ჩვენი მიზანია, მეტი სიახლე და მუდმივი განვითარება, რათა „ბინომში“ ცხოვრება გახდეს სასიამოვნო და კომფორტული.
ტექსტი: სოფიო მალანია
ფოტო: ალექსეი სეროვი
