კენდალ ჯენერი სექსუალური ორიენტაციის შესახებ გავრცელებულ ჭორებს გამოეხმაურა. რეალითი შოუს, The Kardashians-ის ახალ ეპიზოდში მოდელმა განმარტა, რომ ქალების მიმართ სექსუალური ლტოლვა არასდროს ჰქონია, თუმცა სამომავლოდ არაფერს გამორიცხავს.
საუბრისას მან კარა დელევინთან მეგობრობაც გაიხსენა და აღნიშნა, რომ მათი ახლო ურთიერთობა არაერთხელ გამხდარა სპეკულაციის საგანი:
„დიდი ხანია მეგობრები ვართ – უკვე 11 ან 12 წელი იქნება. კაკრიერის დასაწყისში დავახლოვდით – მან სამოდელო სამყაროში თავი დაცულად და მიღებულად მაგრძნობინა“, – გაიხსენა კენდალმა.
„არსებობს ჭორი, თითქოს მე და კარა წარსულში ერთმანეთს ვხვდებოდით, რაც სიმართლე არ არის. კარასთან ურთიერთობის საწინააღმდეგო არაფერი მექნებოდა, მაგრამ ჩვენ ყოველთვის საუკეთესო მეგობრები ვიყავით. მიყვარს, ის ჩემი დაა და ჩვენს შორის მსგავსი რამ არასდროს მომხდარა“, – აღნიშნა ჯენერმა.
მიუხედავად იმისა, რომ მოდელმა ქალების მიმართ სექსუალური ლტოლვა უარყო, საუბრისას ხუმრობით ისიც თქვა, რომ ლესბოსელობა შესაძლოა სახალისო და მარტივიც ყოფილიყო. ამის მიზეზად კი კაცებთან ურთიერთობა დაასახელა.
„ქალებთან სექსუალური ურთიერთობის სურვილი არასდროს მქონია. თუმცა, არასდროს თქვა არასდროს“- თქვა კენდალმა.
ეს პირველი შემთხვევა არ არის, როდესაც ჯენერი სექსუალური ორიენტაციის შესახებ გავრცელებულ ჭორებს გამოეხმაურა. 2026 წლის იანვარში, პოდკასტ In Your Dreams-ში სტუმრობისას, განაცხადა, რომ ორიენტაციის დამალვას არასდროს შეეცდებოდა:
„დღეს, ამ ეტაპზე, ლესბოსელი არ ვარ. არ ვფიქრობ, რომ ასე იქნება, თუმცა ცხოვრებისეულ გამოცდილებებს წინასწარ არ გამოვრიცხავ“, – ამბობდა მაშინ მოდელი.
ასევე დაგაინტერესებთ:
#OK! კენდალ ჯენერი და ჯეიკობ ელორდი ლონდონში ერთად გამოჩნდნენ – წყვილი ურთიერთობას აღარ მალავს
