ქართველი მსახიობი გიორგი ბახუტაშვილი ებრაული მძაფრსიუჟეტიანი სერიალის, „გაქცევის“ (The Escape / Ha’Bricha) მსახიობთა შემადგენლობაშია. რვაეპიზოდიანი პროექტი ტელეკომპანია Keshet 12-ისთვის შეიქმნა და მისი გადაღებები კოლუმბიაში, საქართველოში და ისრაელში მიმდინარეობდა.
„გაქცევის“ სიუჟეტის მთავარი ხაზი კოლუმბიის ჯუნგლებში მცხოვრები რელიგიური სექტის გარშემო ვითარდება. ისტორიის ცენტრში ახალგაზრდა იოელია (იდო ტაკო), რომელიც სექტის ლიდერის მემკვიდრედ მოიაზრება. ის მკაცრი წესებისა და ძალადობრივი გარემოსგან თავის დაღწევას ცდილობს, თუმცა გაქცევისას ცოლ-შვილის დატოვება უწევს.
ოჯახის გადასარჩენად იოელია მოსადის ყოფილ აგენტს, კარმელს (იეჰუდა ლევი) სთხოვს დახმარებას. მათი მისია კიდევ უფრო სახიფათო ხდება მას შემდეგ, რაც ირკვევა, რომ სექტის ლიდერს ნარკოკარტელთან აქვს კავშირი.
სცენარის ავტორი არიელ კოენია, რეჟისორები კი იოავ და დორონ პაზები არიან. პროექტი რვა ეპიზოდისგან შედგება.
სერიალში გიორგი ბახუტაშვილთან ერთად მონაწილეობენ ისრაელის კინოსა და ტელევიზიის ცნობილი მსახიობები: იეჰუდა ლევი, იდო ტაკო, მარკ ივანირი, ნაია ბიენსტოკი, მაორ შვიცერი, ბენ სულთანი, იშაი გოლანი და იტაი ტურგემანი.
ასევე დაგაინტერესებთ:
#OK! თორნიკე გოგრიჭიანი BBC-ის გახმაურებულ სერიალში გამოჩნდა – რა როლს ასრულებს ქართველი მსახიობი
#OK! ლევან კოღუაშვილის “გურია“ Asia Pacific Screen Awards-ის გამარჯვებულია
