2027 წლის Met Gala-ს თემა „extraORDINARY: Fashion and the Poetics of the Everyday“ იქნება. მომავალი წლის 3 მაისს, ნიუ-იორკის მეტროპოლიტენის ხელოვნების მუზეუმში, ვარსკვლავები წითელ ხალიჩაზე ყოველდღიური სამოსითა და მისგან შთაგონებული უჩვეულო, ექსტრავაგანტული კოსტიუმებით წარდგებიან.
გამოფენა ყურადღებას გაამახვილებს იმაზე, თუ როგორ იქცევა ყოველდღიური ტანსაცმელი – ჯინსები, მაისურები, ჰუდები, საწვიმრები და პუფერები – დიზაინერების ხელში მაღალი მოდის ნიმუშებად. ყურადღება დაეთმობა ასევე სხვადასხვა მასალისგან, მათ შორის ქაღალდის, პლასტმასისა და ლითონისგან შექმნილ სამოსს.
გამოფენის კურატორი ენდრიუ ბოლტონი იქნება. მისი მიზანია, დამთვალიერებელს დაანახოს, რომ მოდა მხოლოდ განსაკუთრებული შემთხვევებისთვის შექმნილი სამოსი არ არის – ის ყოველდღიური ცხოვრების, პირადი გამოცდილებისა და მოგონებების ნაწილიცაა.
აღსანიშნავია, რომ თავდაპირველად 2027 წლის Met Gala-ს თემა ბრიტანელი დიზაინერის, ჯონ გალიანოს, შემოქმედება უნდა ყოფილიყო, თუმცა პროექტი გაუქმდა. გადაწყვეტილებას წინ უძღოდა კრიტიკა დიზაინერის წარსული ანტისემიტური და რასისტული განცხადებების გამო. გალიანო 2011 წელს ანტისემიტური შეურაცხყოფის საქმეზე საფრანგეთის სასამართლომ დამნაშავედ ცნო.
ასევე დაგაინტერესებთ:
#OK! Galliano x Zara – ჯონ გალიანოსა და Zara-ს ახალი პროექტის გამოსვლის თარიღი ცნობილია
ჯონ გალიანოს „Met Gala-ს“ გამოფენა გაუქმდა – რა გახდა გადაწყვეტილების მიზეზი?
