მომღერალი, ნინა წკრიალაშვილი 5 წლის წინ საქართველოდან წავიდა, თუმცა მიზეზი უცნობი იყო. ახლა, მან ამ მიზეზებზე ლელა წურწუმიასთან გადაცემაში „მხოლოდ ლელასთან“ ისაუბრა:
„ან ბოლოჯერ უნდა დავიწყო ნულიდან, ან მთელი ცხოვრება ვიწვები.აქამდე ეს არ მომნდომებია, საკუთარი თავი დავსაჯე თავიდან ბოლომდე.. მენანება ჩემი თავი, რომ ერთი ადამიანი არ აღმოჩნდა ჩემს გარშემო, რომელიც გვერდში დამიდგებოდა.. საკუთარი თავის დასატესტად ჩამოვედი ძალიან აქტიური უნდა ვიყო და თუ ვიქნები მაშინ ნელ-ნელა დავიწყებ ფიქრს გადმოსვლაზე.მეგონა აქ ყოფნა გამიჭირდებოდა, მაგრამ არ მიჭირს“
მან ასევე დაოჯახებაზე და მის შემდგომ შექმნილ ურთიერთობაზე ისაუბრა, როგორც მომღერალი აღნიშნავს, გათხოვების შემდეგ დაიწყო ახალი ჯოჯოხეთური ეტაპი:
„ ძალიან სიმპათიური, ჯანსაღი აზროვნების ბოიფრენდი მყავდა. ხან ის ჩამოდიოდა თვეში 4, 5 დღე, ხან მე მივდიოდი. ჯანსაღი ურთიერთობა მქონდა, რომელიც თან გახალისებს. გავთხოვდი და ჯოჯოხეთის შემდეგი ეტაპი დაიწყო. ილიასმა იცის, რომ ძალიან ცუდად ვალაგებ, საჭმლის კეთება კი ვიცი, მაგრამ მეზარება. წინასწარ მითხრა, რომ ეს პრობლემა არ იქნებოდა. მეუბნებოდა, რომ ცუდად ვალაგებდი, მაგრამ პირველად მეჭირა ცოცხი და, რა პრობლემა იყო. ის გახდა ისეთი, როგორიც არ არის. მე ისევ ჩავწექი და დაიწყო კარანტინი და გაუსაძლისი იყო ყველაფერი“
მომღერალმა, ასევე მის მენტალურ ჯანმრთელობაზე, ისაუბრა. მას, ჰქონდა მძიმე დეპრესია, დღეში 14-15 საათი ეძინა და როცა ეღვიძებოდა სულ ტიროდა:
„ორი თვე ვიყავი აბსოლუტურად გათიშული. დღე-ღამეში ფაქტობრივას 14 -15 საათი მეძინა, იმიტომ რომ ვიღვიძებდი, ვტიროდი, ღმუილის ხმა მქონდა. არ ვიცი ეს ტკივილი რას შევადარო. საკუთარი თავი რომ გეცოდება, ეს არის ყველაზე ცუდი შეგრძნება.“
