თითქმის სამწლიანი პაუზის შემდეგ Måneskin სცენას უბრუნდება – იტალიური ჯგუფი 2027 წლის Coachella-ს ფესტივალზე გაერთიანდება. დამიანო დავიდი, ვიქტორია დე ანჯელისი, თომას რაჯი და ითან ტორჩიო ფესტივალის მონაწილეთა სიაში არიან.
ჯგუფმა ერთობლივი საქმიანობა 2024 წელს შეაჩერა. ოთხივე წევრმა გადაწყვიტა, დრო საკუთარი მუსიკალური პროექტებისთვის დაეთმო. დამიანო დავიდმა სოლო კარიერა განაგრძო და ალბომი Funny Little Fears გამოუშვა, ვიქტორია დე ანჯელისიმ კი ელექტრონულ მუსიკასა და დიჯეის საქმიანობაზე გაამახვილა ყურადღება. თომას რაჯიმაც საკუთარი მუსიკალური პროექტები განავითარა. მიუხედავად პაუზისა, ჯგუფს დაშლის შესახებ ოფიციალური განცხადება არ გაუკეთებია.
Måneskin-ის ბოლო ერთობლივი კონცერტი 2024 წლის 22 აგვისტოს, საფრანგეთში, Rock en Seine-ის ფესტივალზე გაიმართა. Coachella-ზე დაბრუნება კი მათი პირველი საერთო გამოსვლა იქნება ხანგრძლივი პაუზის შემდეგ.
2027 წლის Coachella 9-11 და 16-18 აპრილს, კალიფორნიის ქალაქ ინდიოში გაიმართება. Måneskin კი მსმენელის წინაში 10 და 17 აპრილს წარდგება.
ფესტივალის მთავარ შემსრულებლებს შორის დუა ლიპა, ტეიმ იმპალა და SZA არიან.
