ზენდაია პარიზის მოდის კვირეულზე ბრიჯიტ მაკრონთან შეხვედრის შემდეგ კრიტიკის ობიექტი გახდა – Louis Vuitton-ის 2027 წლის გაზაფხული-ზაფხულის კოლექციის ჩვენებაზე მსახიობი პირველ ლედის ხელის ჩამორთმევით მიესალმა, თუმცა ადგილიდან არ წამომდგარა – ამ დეტალმა სოციალურ ქსელებში კამათი გამოიწვია.
შემთხვევა 6 ოქტომბერს, ლუვრში გამართულ ჩვენებაზე მოხდა. გავრცელებულ ვიდეოში ჩანს, რომ ზენდაია წინა რიგში ზის და სხვა სტუმარს ესაუბრება, როდესაც მასთან ბრიჯიტ მაკრონი მიდის. მსახიობი მაკრონს ესალმება, უღიმის და ხელს ართმევს, თუმცა მთელი საუბრის განმავლობაში სკამზე ზის.
ვიდეოს გავრცელების შემდეგ ინტერნეტის მომხმარებელთა ნაწილმა ზენდაია ეტიკეტის უგულებელყოფაში დაადანაშაულა. მათი აზრით, მისალმებისას ადგომა ელემენტარული ზრდილობის გამოხატულებაა.
თუმცა მსახიობის ქცევას ყველა უარყოფითად არ აფასებს. ზენდაიას მხარდამჭერები აღნიშნავენ, რომ ის შესაძლოა მოულოდნელად აღმოჩნდა ამ სიტუაციაში ან თავიდანვე ვერ გააცნობიერა, ვინ უახლოვდებოდა.
ინციდენტი პარიზის მოდის კვირეულის ერთ-ერთი ყველაზე განხილვადი მომენტი გახდა და ამჯერად ყურადღების ცენტრში არა ზენდაიას ჩაცმულობა, არამედ მისი ქცევა აღმოჩნდა.
ასევე დაგაინტერესებთ:
#OK! ზენდაიადან კენდალ ჯენერამდე – ჯეიკობ ელორდის ცნობილი რომანები და სასიყვარულო ისტორია
