Victoria’s Secret Fashion Show 2026 წელს 18 ოქტომბერს გაიმართება. ღონისძიება ლოს-ანჯელესში ჩატარდება და, ტრადიციულად, მოდას, მუსიკასა და გრანდიოზულ სანახაობას გააერთიანებეს.
შოუს მაყურებელი პირდაპირ ეთერში Victoria’s Secret-ის ოფიციალურ YouTube-არხზე, ასევე ბრენდის Instagram-სა და TikTok-ზე იხილავს. პირდაპირი ტრანსლაცია ლოს-ანჯელესის დროით 16:30 საათზე, ნიუ-იორკის დროით კი 19:30-ზე დაიწყება.
წლევანდელი ღონისძიების მუსიკალური ნაწილი უკვე ცნობილია: პოდიუმზე ცოცხალი შესრულებებით KATSEYE, Megan Moroney, Megan Thee Stallion და Tate McRae წარდგებიან.
2026 წლის ღონისძიებაში მონაწილეობას არაერთი ცნობილი მოდელი მიიღებს. ოფიციალურად დადასტურებულ მონაწილეებს შორის არიან ადრიანა ლიმა, ჯიჯი ჰადიდი, ალექს კონსანი, პალომა ელსესერი, ანოკ იაი, ეშლი გრემი, კენდის სვეინპოლი, ები ჩემპიონი, იმან ჰამამი და დევინ გარსია.
ამასთან, ბრენდის ინფორმაციით, მონაწილეთა საბოლოო სია ჯერ სრულად ჩამოყალიბებული არ არის.
წლევანდელ Victoria’s Secret Fashion Show-ს კიდევ ერთი სიახლე ახლავს – ბრენდი ახალ „ანგელოზს“ აირჩევს. ამისთვის სპეციალური პროექტი „Angels Among Us“ შეიქმნა, რომლის ფარგლებშიც კანდიდატებიდან საბოლოო ფინალისტები შეირჩა. გამარჯვებულის ვინაობა სწორედ 18 ოქტომბერს, შოუს მიმდინარეობისას გახდება ცნობილი.
ასევე დაგაინტერესებთ:
#OK! პარიზის მოდის კვირეული დასრულდა – დაათვალიერეთ ვარსკვლავების გამორჩეული ლუქები
#OK! 90-იანების ერთ-ერთი ყველაზე ცნობილი აქსესუარი ისევ აქტუალურია
