სარესტორნო კომპანია „ინტრო“, სხვადასხვა სივრცითა და მრვალფეროვანი ქართულ-ევროპული კერძებით, ადამიანებს შესაძლებლობას უქმნის, მათთან სტუმრობით სასიამოვნო გამოცდილება მიიღონ. კვალიფიციური კადრებისგან დაკომპლექტებული გუნდი ყოველთვის მზად არის, მომხმარებელს კეთილგანწყობითა და სტუმარმასპინძლობით თავი დაამახსოვროს. თუ რა საერთაშორისო სტანდარტებსა და უსაფრთხოების ხარისხს პასუხობს ეს სივრცე, ამ და სხვა თემებზე კომპანიის შეფს, მარიამ ბლიაძეს, გავესაუბრეთ.
უპირველესად, გაგვაცანით კომპანია „ინტრო“.
კომპანია „ინტრო“ დაფუძნდა ჰოლდინგური კომპანია DITI GROUP-ის საინვესტიციო პროექტის ფარგლებში და ის წარმოადგენს ჰოლდინგის შემადგენელ ერთ-ერთ მზარდ სარესტორნო და მზა საკვების მწარმოებელ კომპანიას, რომელიც უკვე რვა თვეა, რაც ქუთაისის ბაზარზე წარმატებით ოპერირებს.
რა სივრცეებსა და პროდუქტებს სთავაზობთ ადგილზე მოსულ სტუმრებს?
„ინტროში“ მოსულ სტუმარს ხვდება არაჩვეულებრივი გარემო, მომხმარებელზე ორიენტირებული პერსონალი. მზა საკვების სივრცე ღია დაგხვდებათ 10:00 საათიდან. მთელი დღის განმავლობაში შეგიძლიათ საკვები მიირთვათ წყნარ და სასიამოვნო გარემოში. ხოლო რაც შეეხება ბარ-რესტორანს, საღამოს 20:00 საათიდან მომხმარებელს შესაძლებლობა აქვს, მოუსმინოს ცოცხალ მუსიკას თანამედროვე რეპერტუარით. „ინტროში“ წარმოდგენილია ქართულ-ევროპული პროდუქციის ძალიან დიდი და გემოვნებიანი ასორტიმენტი.
მრავალფეროვანი სამზარეულო…
პირველ რიგში, ხაზგასასმელია ის ფაქტი, რომ ევროკავშირთან ასოცირების ხელშეკრულების დადების და მასთან კანონმდებლობის შესაბამისობაში მოყვანის მიზნით, ყველა კვების ობიქტებისთვის სავალდებულოა HACCP-ის სტანდარტის დანერგვა. აქედან გამომდინარე, ჩვენს კომპანიაში წარმატებით და კანონმდებლობის ნორმების სრული დაცვით არის დანერგილი HACCP-ის სტანდარტი, რაც უპირველეს ოფციას წარმოადგენს ჩვენი კომპანიისათვის. ბარ-რესტორან „ინტრო“-ში ქართულ-ევროპულ სამზარეულო წარმოდგენილია ცივი და ცხელი პროდუქტების ფართო სპექტრით: სალათების, ცომეულის, თევზეულის, სოუსებისა და ცხელი კერძების სახით. ცალკე აღნიშვნას იმსახურებს „ბარი“, სადაც პროფესიონალი ბარმენების მიერ მზადდება უგემრიელესი კოქტეილები და ასევე წარმოდგენილია სხვადასხვა ბრენდის სასმელი. მზა საკვების სივრცეში ცალკე სეგმენტად არის წარმოდგენილი Intro Bakery, სადაც მზადდება მაღალი ტექნოლოგიის უსაფუარო პურები, საკონდიტრო ნაწარმი, ფუნთუშეულობა და ფრანგული კრუასანები იტალიური Fiorin-ის ფირმის ტექნიკით.
გუნდი, რომელიც პასუხისმგებელია ხარისხზე…
„ინტრო“-ს სამუშაო გუნდი დაკომპლექტებულია მაღალპროფესიონალური კადრებით, რომელთაც თავიანთ სპეციალობაში გააჩნიათ მაღალი კომპეტენცია, აგრეთვე გასათვალისწინებელია ის გუნდურობა და სულისკვეთება, რაც პერსონალს გააჩნია კომპანიის მიზნების მიმართ. განსაკუთრებულია მომსახურე პერსონალი, რომელთაც უშუალო შეხება აქვთ სტუმრებთან. მათ კეთილგანწყობასა და პროფესიონალიზმზე სტუმრების მხრიდან, პირადად და სხვადასხვა სოციალური ქსელის მეშვეობით არაერთხელ გასმულა ხაზი.
როგორ ფიქრობთ, რა განაპირობებს კომპანია „ინტრო“-ს სტაბილურ ხარისხსა და წარმატებას?
როგორც ზემოთ აღვნიშნე, კომპანია „ინტრო“-ში დანერგილი HACCP-ის სტანდარტი, მაღალი ხარისხის ქართულ-ევროპული პროდუქცია და გუნდი, რომელიც ჩართულია კომპანია „ინტრო“-ს მიზნების მიღწევაში, ქმნის გარემოს და ნდობას ჩვენი მომხმარებლებისთვის.
როგორია „ინტრო“-ს სამომავლო გეგმები?
„ინტრო“ წარმოადგენს მზარდ ქართულ-ევროპულ სარესტორნო და მზა საკვების მწარმოებელ კომპანიას ბიზნესსივრცეში. სწორედ მზა საკვების მიწოდების გეოგრაფიული მასშტაბის გაზრდის მიზნით, გეგმავს ფილიალების გახსნას ქ. ქუთაისში სხვადასხვა ლოკაციაზე, რათა უფრო ხელმისაწვდომი ვიყოთ მომხმარებლის ფართო სპექტრისთვის. კომპანია მუდმივად ორიენტირებულია დანერგოს ახალი ტექნოლოგიები და სერვისი პროდუქციის წარმოების პროცესში მაღალი სტანდარტის მომსახურების გაწევის მიზნით.
ტექსტი: მაკუნა შავგულიძე
ფოტო: ნინი გორდაძე
