Shoes Plaza მომხმარებლებს ქალის, მამაკაცისა და ბავშვის მაღალი ხარისხის ტრენდულ ფეხსაცმელებსა და აქსესუარებს სთავაზობს. იგი მუდმივად ანებივრებს კლიენტებს ფასდაკლებებითა და სასიამოვნო სიახლეებით. დეტალური ინფორმაციისთვის OK! გაესაუბრა Shoes Plaza-ს დირექტორსა და თანადამფუძნებელს, ირენა გაბუნიას.
გვიამბეთ Shoes Plaza-ს შექმნის შესახებ.
Shoes Plaza-ს, როგორც ბიზნესიდეის განხორციელება, უკავშირდება ჩემს სასწავლო და პროფესიულ გამოცდილებას ევროპაში, კერძოდ − იტალიაში. მრავალი წლის განმავლობაში თვალყურს ვადევნებდი იტალიური მოდის, როგორც წარმატებით განვითარებული და მაღალშემოსავლიანი მსუბუქი მრეწველობის დარგის, ასევე ხელოვნების სფეროდ ქცეული ფეხსაცმლის შექმნის მრავალსაუკუნოვან ტრადიციას, დახვეწილ ტექნიკას და მაღალ ხარისხს. გარდა პროდუქციის შექმნის საინტერესო და თანამედროვე პროცესისა, ჩემს ინტერესს ევროპული ბრენდკომპანიების მარკეტინგის თანამედროვე სტანდარტიც იწვევდა. წლების განმავლობაში დამყარებული ბიზნესკონტაქტები დაგვეხმარა აღნიშნული იდეის განხორციელებაში. მიუხედავად „კოვიდ“-პანდემიისგან გამოწვეული შეზღუდვებისა, 2020 წლის ზაფხულში ოთხმა პარტნიორმა − მე, ნონა ნებაძემ, თამარ მენთეშაშვილმა და მალხაზ ივანიძემ, დავარეგისტრირეთ შპს „ტანთი“ და ეკონომიკური საქმიანობის გასახორციელებლად გავხსენით სავაჭრო ცენტრი Shoes Plaza. ქართველი მომხმარებლებისთვის და საქართველოში მცხოვრები სხვა ქვეყნის მოქალაქეებისთვის ხელმისაწვდომი გავხადეთ სეზონურად განახლებადი, იტალიური და სხვა ევროპული ბრენდების მაღალი ხარისხის ფეხსაცმელებისა და აქსესუარების ფართო არჩევანი.
ვიმედოვნებთ, რომ Shoes Plaza, როგორც ბიზნესის ახალი მცირე კერა, წვლილს შეიტანს როგორც კადრების დასაქმების, ასევე ქვეყნის ეკონომიკის განვითარების კუთხით.
გვესაუბრეთ პროდუქციის შესახებ.
Shoes Plaza-ს გალერეაში წარმოდგენილია თანამედროვე მოდის ტენდენციების შესაბამისი ევროპული ბრენდების ქალის, მამაკაცის, ბავშვის ფეხსაცმელებისა და აქსესუარების სეზონური კოლექციები.
ჩვენთან თითოეული ბრენდი წარმოდგენილია ინდივიდუალური სამარკო კუთხეებით და მოდელების მრავალფეროვანი არჩევანით, რომელიც მაქსიმალურად მორგებულია განსხვავებული გემოვნებისა და სტილის მქონე მომხმარებელზე. ნატურალური მასალების, ფეხსაცმლის დამუშავების იტალიური/ევროპული ხარისხის გარდა, მომხმარებელს ვთავაზობთ დახვეწილ ინტერიერს, შთამბეჭდავ გარემოს, კვალიფიციური კადრების ხარისხიან მომსახურებას. Shoes Plaza-ში ამჟამად წარმოდგენილია ძირითადად იტალიური, ესპანური, ავსტრიული წარმოშობის 15 პრემიუმბრენდი: Baldinini, 1 Classe by Alviero Martini, L’autre Chose, HOGAN, Pollini, Corvari, Giorgio Fabiani, 7 AM, STOKTON, UNISA, HOGL, Pretty Ballerinas, Marina Creazioni, BIBI.
მთავარი ნიშა, რომელიც Shoes Plaza-ს გამოარჩევს…
Shoes Plaza-ს კონცეფცია სხვა მაღაზიებისგან გამოირჩევა თავისი მასშტაბურობით, წარმოდგენილი ბრენდების ფართო არჩევანით, ადეკვატური ფასების პოლიტიკით და კომფორტული საშოპინგო სივრცით. მაქსიმალური გამჭვირვალობით და ღიაობით, ვცდილობთ, მომხმარებლის ინტერესების გათვალისწინებას. სარვამარტოდ უკვე დავგეგმეთ და მომავალშიც ვგეგმავთ ბენეფიტური აქციების განხორციელებას.
გვესაუბრეთ იმ ფასდაკლებების შესახებ, რომლებსაც მომხმარებლებს სთავაზობთ.
მოგეხსენებათ, ისე, როგორც ძირითადად საცალო გაყიდვების სფეროში მომუშავე კომპანიების უმრავლესობამ, ჩვენმა კომპანიამაც, 2020-2021 წლების შემოდგომა/ზამთრის სეზონის კოლექციების რეალიზაცია შეზღუდულ გარემოში და ძირითადად, ონლაინგაყიდვებით განვახორციელეთ. მომხმარებლის მსყიდველობითი მდგომარეობის შეზღუდულობიდან გამომდინარე, მენეჯმენტმა გადავწყვიტეთ გავახანგრძლივოთ 50%-მდე ფასდაკლება შემოდგომა/ზამთრის მოდელებზე, ხოლო საგაზაფხულო მოდელებზე 30%-მდე ფასდაკლება შევთავაზოთ დაინტერესებულ პირებს.
ასევე, მალე ავამოქმედებთ ბონუსბარათს ჩვენი ერთგული მომხმარებლებისთვის, რაც გულისხმობს 20%-მდე ფასდაკლების შესაძლებლობას ახალ კოლექციებზე.
სამომავლო გეგმები.
Shoes Plaza-ს უახლოესი გეგმა უკავშირდება ორი ახალი და ტრენდული ბრენდის შემოყვანას საქართველოში, როგორიცაა GIA Couture და Franceschetti. ვგეგმავთ, კომფორტული ონლაინპლატფორმა შევქმნათ ჩვენი მომხმარებლებისთვის და ამ მიზნით მალე ავამოქმედებთ მაღაზიის ვებგვერდს: www.shoesplaza.ge სადაც განთავსებული იქნება Shoes Plaza-ში წარმოდგენილი სრული კოლექციები, მიმდინარე სიახლეები. ასევე, ჩვენს მეზობელ ქვეყნებში მცხოვრები ქართველებისგან, და არა მარტო, გაჩნდა მოთხოვნა ჩვენს მაღაზიაში წარმოდგენილი პროდუქციის ონლაინ შესყიდვის კუთხით და ონლაინშოპის ამოქმედებისთანავე, შევძლებთ სრულყოფილი სერვისის მიწოდებას მომხმარებლებისთვის. ჩვენი დევიზია: „Shoes Plaza-ში ერთხელ მოსული ადამიანი, ჩვენი ერთგული მომხმარებელი გახდება!“
