„Victoria’s Secret“-ის 2026 წლის ჩვენებამდე სულ რამდენიმე დღე რჩება, ქართველი მოდის მოყვარულები კი განსაკუთრებული ინტერესით ელოდებიან, მატილდა გვარლიანის გამოჩენას. პირველი ქართველი მოდელი, რომელმაც ლეგენდარულ შოუში მიიღო მონაწილეობა, წელსაც ყურადღების ცენტრშია – მისი მონაწილეობა ჯერ არ დადასტურებულა, თუმცა სოციალურ ქსელში გავრცელებული ახალი ფოტოები შესაძლო დაბრუნებაზე დამატებით კითხვებს აჩენს.
ცნობილმა მოდელმა იმან ჰამამმა Instagram-ზე სთორები გამოაქვეყნა, რომელთა შორის მატილდა გვარლიანის ფოტოც მოხვდა. ფოტოებმა ქართველი მოდელის გულშემატკივრებში ინტერესი გააჩინა – გაჩნდა ვარაუდი, რომ შესაძლოა, მატილდა წლევანდელ შოუშიც ვიხილოთ.
თუმცა, ამ ეტაპზე მისი მონაწილეობა ოფიციალურად დადასტურებული არ არის. „Victoria’s Secret“-ს 2026 წლის შოუს მონაწილეთა სია უკვე გამოქვეყნებული აქვს, თუმცა ბრენდის ინფორმაციით, საბოლოო შემადგენლობა ჯერ სრულად ჩამოყალიბებული არ არის.
Victoria’s Secret Fashion Show 2026 წელს 18 ოქტომბერს გაიმართება. ღონისძიება ლოს-ანჯელესში ჩატარდება და, ტრადიციულად, მოდას, მუსიკასა და გრანდიოზულ სანახაობას გააერთიანებეს.
შოუს მაყურებელი პირდაპირ ეთერში Victoria’s Secret-ის ოფიციალურ YouTube-არხზე, ასევე ბრენდის Instagram-სა და TikTok-ზე იხილავს. პირდაპირი ტრანსლაცია ლოს-ანჯელესის დროით 16:30 საათზე, ნიუ-იორკის დროით კი 19:30-ზე დაიწყება.
წლევანდელი ღონისძიების მუსიკალური ნაწილი უკვე ცნობილია: პოდიუმზე ცოცხალი შესრულებებით KATSEYE, Megan Moroney, Megan Thee Stallion და Tate McRae წარდგებიან.
2026 წლის ღონისძიებაში მონაწილეობას არაერთი ცნობილი მოდელი მიიღებს. ოფიციალურად დადასტურებულ მონაწილეებს შორის არიან ადრიანა ლიმა, ჯიჯი ჰადიდი, ალექს კონსანი, პალომა ელსესერი, ანოკ იაი, ეშლი გრემი, კენდის სვეინპოლი, ები ჩემპიონი, იმან ჰამამი და დევინ გარსია.
ასევე დაგაინტერესებთ:
#OK! Victoria’s Secret Fashion Show ბრუნდება: ცნობილია შოუს ვარსკვლავური შემადგენლობა
