#OK! ლედი გაგასა და მაიკლ პოლანსკის შვილის სახელი და სქესი ცნობილია

ლედი გაგასა და მაიკლ პოლანსკის პირველი შვილის შესახებ ახალი დეტალები გახდა ცნობილი: გავრცელებული ინფორმაციით, წყვილს ქალიშვილი შეეძინა, რომელსაც როუზ ბინ პოლანსკი დაარქვეს. ინფორმაციას ამერიკული მედია დაბადების მოწმობაზე დაყრდნობით ავრცელებს.

როგორც დოკუმენტშია მითითებული, პატარა როუზი 9 ივნისს, ლოს-ანჯელესში, Cedars-Sinai Medical Center-ში დაიბადა.

სახელის არჩევანი კი მუსიკასთანაა დაკავშირებული – ვარდი ლედი გაგას შემოქმედებაში არაერთხელ გამოჩენილა. მომღერალს ზურგზე  „La Vie En Rose“ ტატუ აქვს გაკეთებული. ეს ედიტ პიაფის ცნობილ სიმღერას უკავშირდება, რომელიც გაგამ ფილმში „ვარსკვლავის დაბადება“ შეასრულა.

რაც შეეხება მეორე სახელს – Bean – People-ის წყაროს ინფორმაციით, ის შესაძლოა მომღერალ და აქტივისტ კარლ ბინს უკავშირდებოდეს. მისი სიმღერა „I Was Born This Way“ ლედი გაგას ჰიტის „Born This Way“ ინსპირაცია გახდა.

ლედი გაგას დედობაზე სურვილი არაერთხელ გამოუთქვამს. 2025 წლის მარტში, The New York Times-თან ინტერვიუში, განაცხადა, რომ დედობის იდეით აღფრთოვანებული იყო, თუმცა წარსულში ამასთან დაკავშირებით გარკვეული შიშები ჰქონდა.

„The Late Show with Stephen Colbert“-ში სტუმრობისას, მან კიდევ ერთხელ ისაუბრა დედობის სურვილზე და აღნიშნა, რომ ეს შესაძლოა მისი „შემდეგი მთავარი როლი“ ყოფილიყო.

„ბევრი რამის გაკეთება მინდა. ყველა სიახლისთვის ღია ვარ. მაგრამ, რაც სინამდვილეში მინდა, დედობაა. იმედი მაქვს, ეს ჩემი შემდეგი მთავარი როლი იქნება“, – განაცხადა მომღერალმა.

ასევე დაგაინტერესებთ:

#OK! ლედი გაგა დედა გახდა – მომღერალი ახალშობილთან ერთად პირველად გამოჩნდა

#OK!BusinessCelebrity – როგორ გადააქცია ლედი გაგამ მისი წარუმატებლობა $100-მილიონიან ბრენდად