ლედი გაგა და მაიკლ პოლანსკი პირველი შვილის მშობლები გახდნენ – ინფორმაციას Page Six ავრცელებს.
პაპარაცებმა 40 წლის მომღერალი საქმროთან და ახალშობილთან ერთად დააფიქსირეს. მედიაში საუბრობენ იმაზეც, რომ წყვილს შვილი სუროგაციის გზით შეეძინა, თუმცა ეს ინფორმაცია ოფიციალურად დადასტურებული არ არის.
მომღერლის წარმომადგენლებს ამ დრომდე კომენტარი არ გაუკეთებიათ. დამატებითი დეტალები, მათ შორის ბავშვის სახელი, სქესი და დაბადების ზუსტი თარიღი, ჯერჯერობით უცნობია.
აღსანიშნავია, რომ გაგა ბოლოს აგვისტოში, ჩრდილოეთ კალიფორნიაში შენიშნეს. მანამდე, მაისში, მომღერალი ლოს-ანჯელესში, The Grove-ში გამართულ ღონისძიებაზე გამოჩნდა. აპრილში კი თავისი უახლესი ტურნე, The Mayhem Ball, დაასრულა.
ლედი გაგას დედობაზე სურვილი არაერთხელ გამოუთქვამს. 2025 წლის მარტში, The New York Times-თან ინტერვიუში, განაცხადა, რომ დედობის იდეით აღფრთოვანებული იყო, თუმცა წარსულში ამასთან დაკავშირებით გარკვეული შიშები ჰქონდა.
„The Late Show with Stephen Colbert“-ში სტუმრობისას, მან კიდევ ერთხელ ისაუბრა დედობის სურვილზე და აღნიშნა, რომ ეს შესაძლოა მისი „შემდეგი მთავარი როლი“ ყოფილიყო.
„ბევრი რამის გაკეთება მინდა. ყველა სიახლისთვის ღია ვარ. მაგრამ, რაც სინამდვილეში მინდა, დედობაა. იმედი მაქვს, ეს ჩემი შემდეგი მთავარი როლი იქნება“, – განაცხადა მომღერალმა.
ასევე დაგაინტერესებთ:
#OK!BusinessCelebrity – როგორ გადააქცია ლედი გაგამ მისი წარუმატებლობა $100-მილიონიან ბრენდად
#OK! “ლეგენდის დაბადება” – ლედი გაგას ურთულესი გზა წარმატებამდე და “მუსიკალური საიმპერატორო ფაზა”
