კაილი ჯენერი სამსახიობო დებიუტისთვის ემზადება – 29 წლის ვარსკვლავს Hulu-ს სერიალში, „Bachelorette Weekend“, მნიშვნელოვანი როლი ექნება. პროექტის აღმასრულებელ პროდიუსერებს შორის კაილის უფროსი და, კიმ კარდაშიანიც, იქნება.
კაილი პატარძლის როლს შეასრულებს, რომელსაც ქორწილამდე გამართული წვეულების დროს აუზში გარდაცვლილს იპოვიან. ამის შემდეგ მკვლელობაში ეჭვმიტანილები მისი უახლოესი მეგობრები ხდებიან. სერიალის მთავარი სიუჟეტური ხაზიც სწორედ ამ საიდუმლოს გარშემო ვითარდება.
„Bachelorette Weekend“ ფლორა კოლინზის ამავე სახელწოდების წიგნს ეფუძნება.
პროექტის სცენარი თავდაპირველად კიმ კარდაშიანს გადაეცა, რომელსაც მისი პროდიუსერობა შესთავაზეს. კიმის აზრით, პატარძლის როლი კაილისთვის შესაფერისი იყო, ამიტომ სცენარი დას გაუგზავნა. საბოლოოდ, პროექტს ორივე შეუერთდა – კაილი ერთ-ერთ მთავარ როლს შეასრულებს, კიმი კი სერიალის აღმასრულებელი პროდიუსერი იქნება.
მიუხედავად იმისა, რომ „Bachelorette Weekend“ კაილის პირველი მნიშვნელოვანი სამსახიობო როლია, მას კამერის წინ უკვე აქვს გარკვეული გამოცდილება. ჯენერი მანამდე „Ocean’s 8“-ში გამოჩნდა. 2026 წელს კი ჩარლი XCX-ის ფილმში „The Moment“ საკუთარი თავის სატირული ვერსია განასახიერა.
ამ ეტაპზე უცნობია, როდის დაიწყება „Bachelorette Weekend“-ის გადაღებები ან როდის შედგება მისი პრემიერა. ასევე არ გასაჯაროებულა სერიალის სრული სამსახიობო შემადგენლობა.
ასევე დაგაინტერესებთ:
#OK! კაილი ჯენერის შესაძლო ორსულობა – რა გახდა ახალი სპეკულაციის მიზეზი
#OK! „სამოთხეში პრობლემებია“ – ტიმოთი შალამე და კაილი ჯენერი დაშორდნენ
