ცოტა ხნის წინ სოციალურ ქსელში კაილი ჯენერისა და ტიმოთი შალამეს ახალი ფოტოები გავრცელდა – მომხმარებლების ყურადღება კაილის მუცელმა მიიქცია. მათი ნაწილი ფიქრობს, რომ რეალითი შოუს ვარსკვლავი ფეხმძიმედაა.
თუმცა, ეს ინფორმაცია ამ ეტაპზე დადასტურებული არ არის. გავრცელებული ფოტო 4 ოქტომბერს გადაიღეს, ამჯამად მისი ავთენტურობაც კითხვის ნიშნის ქვეშ დგას. ინტერნეტში უკვე მსჯელობენ იმაზეც, რომ კადრი ხელოვნური ინტელექტის გამოყენებითაა შექმნილი.
თავად კაილის კიდევ ერთი შვილის ყოლის სურვილზე არაერთხელ უსაუბრია. აგვისტოში, Who What Wear-თან ინტერვიუში, აღნიშნა, რომ მეტი შვილის ყოლა სურს, თუმცა ახლა ამისთვის მზად არ არის. მისივე თქმით, ამ ეტაპზე მნიშვნელოვანი კარიერა, საკუთარი თავი, ბიზნესი და შვილებთან ერთად მოგზაურობაა.
კაილიმ ორსულობის შესახებ გავრცელებულ ჭორებზეც ისაუბრა და აღნიშნა, რომ მის პირად ცხოვრებაზე ხშირად ვრცელდება სხვადასხვა ვარაუდი, ყველა მათგანზე პასუხის გაცემა კი საჭიროდ არ მიაჩნია.
შეგახსენებთ, რომ კაილი ჯენერს ყოფილი პარტნიორის, ტრევის სკოტისგან, ორი შვილი ჰყავს. რაც შეეხება ტიმოთი შალამეს, წყვილი ერთმანეთს 2023 წლიდან ხვდება.
ასევე დაგაინტერესებთ:
