ჯიჯი ჰადიდისა და ბრედლი კუპერის ახალი ფოტოები კვლავ ყურადღების ცენტრშია. წყვილი პარიზში პაემანზე დააფიქსირეს, საზოგადოების ინტერესი კი მათმა სამაკულმა დაიმსახურა – ორივეს ფრანგული საიუველირო ბრენდის, Boucheron-ის, ოქროს ბეჭდები ეკეთა.
ჯიჯი ჰადიდს Boucheron-ის Quatre Radiant Edition-ის ბეჭედი უკეთია – ყვითელი და თეთრი ოქროს კომბინაციითა და ბრილიანტის დეტალებით. ბრენდის ოფიციალურ ვებგვერდზე მისი ფასი 6 450 დოლარია. ბრედლი კუპერმა კი არჩევანი იმავე საიუველირო სახლის ოქროს Godron-ის ბეჭედზე შეაჩერა, რომლის ღირებულებაც 2 120 დოლარია. მიუხედავად იმისა, რომ ბეჭდები ერთმანეთის იდენტური არ არის, ორივე Boucheron-ის საქორწინო კოლექციას ეკუთვნის.
31 წლის სუპერმოდელი და 51 წლის მსახიობი უკვე რამდენიმე წელია ერთად არიან. მიუხედავად იმისა, რომ ურთიერთობა საჯაროდ დაადასტურეს, ქორწინების შესახებ ოფიციალური განცხადება არც ერთ მათგანს გაუკეთებია. შესაბამისად, ბეჭდების გამოჩენამ სოციალურ ქსელებში და მედიაში ახალი კითხვები გააჩინა.
ჯიჯი ჰადიდისა და ბრედლი კუპერის ურთიერთობა 2023 წლის ოქტომბერში დაიწყო. ისინი საერთო მეგობრის შვილის დაბადების დღეზე შეხვდნენ და მას შემდეგ ცდილობენ პირადი ცხოვრება საზოგადოების ყურადღებისგან მაქსიმალურად დაიცვან.
მიუხედავად ამისა, ხშირად ესწრებიან მნიშვნელოვან ღონისძიებებს, მათ შორის Met Gala-ს, ასევე არაერთხელ დააფიქსირეს ნიუ-იორკის ქუჩებში ერთად.
ორივე ვარსკვლავი მშობელია. ჯიჯი ჰადიდს ყოფილი პარტნიორის, ზეინ მალიკისგან, ქალიშვილი ქაი ჰყავს, ხოლო ბრედლი კუპერს მსახიობ ირინა შეიკისგან – ქალიშვილი ლეა.
ასევე დაგაინტერესებთ:
#OK! ჯიჯი ჰადიდის, როგორც აქტივისტის და ქველმოქმედის საქმიანობა 8 ფოტოში
