ჰეიდი კლუმის 16 წლის ქალიშვილი ლუ სულოლა სამუელი პარიზის მოდის კვირეულზე პირველად გამოჩნდა. მოდელი და მისი უმცროსი ქალიშვილი 3 ოქტომბერს Vivienne Westwood-ის 2027 წლის გაზაფხული/ზაფხულის კოლექციის ჩვენებას დაესწრნენ.
ლუსთვის ეს განსაკუთრებული ვიზიტი კიდევ ერთი მიზეზით იყო მნიშვნელოვანი – ჰეიდიმ პარიზში მოგზაურობა შვილის დაბადების დღის აღსანიშნავად დაგეგმა.
გოგონას ვარდისფერი ორეული ეცვა – კორსეტის სტილის ტოპი და ასიმეტრიული მინი ქვედაბოლო, რომელიც მაღალქუსლიან ფეხსაცმელსა და პატარა ჩანთას შეუხამა. ჰეიდიმ კი თეთრი, უფრო კლასიკური ლუქი აირჩია.
ჰეიდიმ British Vogue-სთან საუბრისას თქვა, რომ ლუს პარიზში წაყვანა მისთვის განსაკუთრებით მნიშვნელოვანი იყო.
„ვიფიქრე, რომ პარიზის მოდის კვირეულზე ლუს გამოჩენა იდეალური იქნებოდა“, – აღნიშნა ჰეიდიმ და მოგზაურობას „პატარა დაბადების დღის საჩუქარიც“ უწოდა.
ლუ ჰეიდი კლუმის უმცროსი შვილია. მოდელს კიდევ ორი ვაჟი, 21 წლის ჰენრი და 19 წლის იოჰანი ჰყავს, ხოლო უფროსი ქალიშვილი ლენი, სამოდელო სფეროში საქმიანობს.
ასევე დაგაინტერესებთ:
#OK! ჰეიდი კლუმი Vogue Greece-ის გარეკანზე – სუპერმოდელის ფოტოსესია 50 წლის იუბილესთან დაკავშირებით
#OK! მოდელების 8 ყველაზე ბრწყინვალე დაბრუნება პოდიუმზე ორსულობის შემდეგ
