ეკა კახიანი ის მომღერალი და მსახიობია, რომელიც აქტუალობას წლებია არ კარგავს და მისი ცხოვრება საზოგადოებისთვის მუდმივად საინტერესოა.
ეკა კახიანმა, თავისი ცხოვრების აქამდე უცნობ დეტალებზე თათია შარანგიასთან ტელეკომპანია ფორმულას გადაცემაში – „სთორიში“ ისაუბრა, სადაც სხვადასხვა საინტერესო თემას შეეხო.
მომღერალი პირადი ცხოვრების დეტალებსაც შეეხო და ისაუბრა პირველ ქორწინებაზე, რომელიც საბოლოოდ წარუმატებელი აღმოჩნდა, თუმცა მალევე იპოვა ნამდვილი სიყვარული ნიკო თოფურიძის სახით და დღემდე ბედნიერად ცხოვრობენ. ეკას პირველი ქორწინებიდან, ნინი ბადურაშვილი, მეორე ქორწინებიდან კი 2 ქალიშვილი, ქეთო და ანასტასია ჰყავს:
„პირველი ოჯახის დანგრევის გადაწყვეტილება მე მივიღე, ნინის მამამ, ერეკლე ბადურაშვილმა, შერიგება ბევრჯერ მთხოვა მაგრამ მე არ მინდოდა და ყველაფერი დავასრულეთ. ჩემს ქმართან დაშორება არასდროს მინანია, იმიტომ რომ ცუდად ვიყავი, არ მქონდა ურთიერთობაში რომანტიზმი და ბედნიერების მომენტები. მე თვითონ არ ვარ რომანტიკული ადამიანი, ძალიან მიჭირს ემოციების გამოხატვა, არასდროს შევცვლილვარ ამ მიმართულებით, ალბათ იმიტომ, რომ ისეთი ადამიანი არ გამოჩენილა ჩემს ცხოვრებაში, ვინც ღირდა ამ ყველაფრად. დაშორებიდან მალევე ქეთოს და ანასტასიას მამა, ნიკო თოფურიძე გამოჩნდა ჩემს ცხოვრებაში და მოხდა ისე, რომ შევქმენით ოჯახი და დღემდე ვცხოვრობთ ერთად.“
მიუხედავად იმისა, რომ ეკა პირველ მეუღლესთან აღარ ცხოვრობდა მას დედამთილთან მაინც კარგი ურთიერთობა ჰქონდა:
„ჩემს პირველ დედამთილთან, ლალი ბადურაშვილთან, ძალიან კარგი ურთიერთობა მქონდა, ჩვენ ძალიან კარგად ვმეგობრობდით და ეს ყველაფერი მისი ობიექტურობიდან იყო გამოწვეული, ხომ არიან დედები ზედმეტი სიყვარულისგან, რომ შვილებს იცავენ მუდამ და ბევრ რამეს ვერ ამჩნევენ, ის ასეთი არ იყო.“
ეკა კახიანმა ასევე ისაუბრა, ადრეულ ასაკში მომხდარ უდიდეს ტრაგედიაზე, მას 16 წლის ძმა უმძიმესი დიაგნოზით დაეღუპა:
„ჩემი ძმის გარდაცვალება მე ძალიან რთულად გადავიტანე, აღარ მქონდა არავისთან კომუნიკაცია, არ ვსაუბრობდი. ლადო ძალიან აქტიური და ლაღი ბავშვი იყო ჩემგან განსხვავებით. ზაფხული იყო და ვიყავით წყნეთში უცებ დასუსტდა, ფერი შეეცვალა. დედაჩემმა წაიყვანა ანალიზებზე და პირველივე ანალიზის პასუხის შემდეგ გვითხრეს, რომ მაქსიმუმ თვენახევარი შეძლებდა სიცოცხლეს. ამასობაში მამაჩემის დაბადების დღე მოახლოვდა, რა თქმა უნდა, არ გვქონდა ზედმეტი აღნიშვნების თავი და არაფერს ვგეგმავდით, ლადო გამოვიდა და დედაჩემს ეუბნება „ანუ დავმარცხდით? ეს თამაში წავაგეთ თუ რა ხდება? დაურეკე ეხლავე შენს მეგობრებს და უთხარი მოვიდნენ“ , მართლაც ასე მოხდა, ჩემი ძმა ვერ დგებოდა ფეხზე თუმცა ყველაფერი ისე გავაკეთეთ როგორც ლადოს უნდოდა. ჩემი ძმა ბოლომდე იბრძოდა, არ დანებებულა, თუმცა საბოლოოდ 16 წლის ასაკში გარდაიცვალა. ჩემი მშობლები სულ ცდილობდნენ, რომ ჩემთვის მათი ეს უმძიმესი ტრაგედია არ მოეხვიათ და უფრო არ დავეთრგუნე. “
ეკამ ასევე ისაუბრა შვილებთან ურთიერთობაზე და აღნიშნა, რომ მას სამივე ქალიშვილთან ძალიან კარგი ურთიერთობა აქვს:
„არ მერიდება იმის თქმა, რომ მყავს არაჩვეულებრივი შვილები, საოცარია რომ უცებ შევიძინე მათი სახით 3 და, რომელიც დღეს უკვე ჩემი მეგობრები არიან. სამივე სხვადასხვანაირია, ჩვენ გვაქვს ჯგუფი, სადაც ერთმანეთს ვწერთ ხოლმე, მაგალითად თუ რაიმე გადაღება მაქვს და ვწერ ამარჩევინეთ რა ჩავიცვა, ზუსტად ვიცი ვინ როგორ მიპასუხებს, აქედან ნინი მოიწერება – „რავი აბა“ , იქიდან ანასტასია, დეტალურად მომწერს რა და რატომ უნდა ჩავიცვა, რაც შეეხება ქეთოს ის ძალიან გახსნილი და კომუნიკაბელურია. ჩვენ ხშირად ვიკრიბებით და ერთადაც დავდივართ სამოგზაუროდ მე ამ ყველაფრით ძალიან მადლიერი ვარ. “
ეკა კახიანს 3 შვილიშვილი ჰყავს, ნინი ბადურაშვილისგან 1, ხოლო ანასტასია თოფურიძისგან 2, რომელთა აღზრდაშიც ეკა აქტიურად არის ჩართული.
View this post on Instagram
აღსანიშნავია ისიც, რომ წლების მანძილზე მომღერალი იდეალურ ფორმას ინარჩუნებს.
