კენდის სვეინპოლი ოქროს ბეჭდით შენიშნეს – პაპარაცებმა 38 წლის სუპერმოდელი ფოტოსესიაზე მიმავალი გადაიღეს. საზოგადოების ყურადღება კი მარცხენა ხელის არათითზე გაკეთებულმა სამკაულმა მიიპყრო. ბოლო პერიოდში მედია აქტიურად იწერება მისი და ამერიკელი ფეხბურთელის, ტომ ბრედის, რომანის შესახებ.
Page Six-ის ინფორმაციით, სვეინპოლი პარასკევს მარტო გადაადგილდებოდა. მოგვიანებით ის ტომ ბრედის ოფისის შენობის ავტოსადგომთანაც შენიშნეს.
როგორც გამოცემის წყარო იუწყება, 49 წლის ბრედისა და სვეინპოლის ურთიერთობა უკვე რამდენიმე თვეა გრძელდება, თუმცა ამ ეტაპზე სერიოზული ხასიათი არ აქვს. „ტომი კენდისს ხვდება და მასთან დროის გატარება ძალიან მოსწონს“, – განუცხადა წყარომ Page Six-ს და აღნიშნა, რომ ყოფილი სპორტსმენი ამჟამად ახალი სერიოზული ურთიერთობისთვის მზად არ არის.
მედიის ინფორმაციით, სვეინპოლის ახალ რომანს ახლო მეგობართან, სუპერმოდელ ჯოან სმოლსთან დაძაბულობა მოჰყვა.
სმოლსსა და ბრედის წარსულში გარკვეული პერიოდის განმავლობაში რომანტიკული ურთიერთობა ჰქონდათ – ისინი ერთმანეთს 2023–2024 წლებში პერიოდულად ხვდებოდნენ, თუმცა ამას სერიოზული სახე არ მიუღია. წყაროს თანახმად, სმოლსი თავს მეგობრისგან მოტყუებულად გრძნობს, რადგან ფეხბურთელთან ურთიერთობის შესახებ სვეინპოლთანაც საუბრობდა.
ანხილვის საგანი გახდა ტომ ბრედის ყოფილი მეუღლის, ჟიზელ ბუნდჰენის, პოზიციაც – თუმცა, ჟიზელს ბრეიდისა და სვეინპოლის სავარაუდო რომანზე საჯაროდ კომენტარი არ გაუკეთებია. Us Weekly-ის წყაროს ცნობით, ბუნდჰენი თავს კარგად გრძნობს და ყოფილი მეუღლისთვისაც „საუკეთესო სურს.“
ბრეიდი და ბუნდჰენი 2022 წელს კი განქორწინდნენ – წყვილს ორი საერთო შვილი ჰყვას. სვეინპოლს კი ყოფილი საქმროსგან, ჰერმან ნიკოლისგან, ორი ვაჟი ჰყავს.
ასევე დაგაინტერესებთ:
#OK! ქენდის სვეინფული მეგობრებთან ერთად ბრაზილიაში ისვენებს (ფოტოები)
