ბენ აფლეკმა ყოფილ მეუღლეზე, ჯენიფერ ლოპესზე, ისაუბრა და მისი პროფესიული შესაძლებლობები შეაქო. მსახიობმა აღნიშნა, რომ ლოპესის ნიჭს დიდ პატივს სცემს და მიაჩნია, რომ მისი არაერთი გამორჩეული კინოროლი სათანადოდ არ არის დაფასებული.
54 წლის აფლეკმა ამის შესახებ გამოცემა Variety-სთან ინტერვიუში ისაუბრა. საუბრის ერთ-ერთი მთავარი თემა ლოპესის სამსახიობო ნამუშევრები იყო.
„შეიძლება მიკერძოებული ვიყო, მაგრამ უდიდეს პატივისცემასა და აღფრთოვანებას ვგრძნობ ჯენიფერის შესაძლებლობების მიმართ“ – განაცხადა აფლეკმა.
მსახიობის აზრით, კინოპრემიების შედეგები ყოველთვის არ ასახავს ხელოვანის რეალურ შესაძლებლობებს. მისი თქმით, ჯილდოების მინიჭება სუბიექტური პროცესია და ის, რომ კონკრეტულმა ნამუშევარმა პრესტიჟული ჯილდო ვერ მოიპოვა, მის ღირებულებას არ აკნინებს.
ბენ აფლეკისა და ჯენიფერ ლოპესის ურთიერთობა წლების განმავლობაში განსაკუთრებულ ინტერესს იწვევდა. წყვილმა ურთიერთობა 2000-იანი წლების დასაწყისში დაიწყო, თუმცა 2004 წელს დაშორდა. თითქმის ორი ათწლეულის შემდეგ რომანი განაახლეს და 2022 წელს დაქორწინდნენ. ლოპესმა განქორწინების შესახებ განცხადება 2024 წლის აგვისტოში შეიტანა, ხოლო პროცესი 2025 წლის იანვარში დასრულდა.
მიუხედავად დაშორებისა, აფლეკი ყოფილ მეუღლეზე საუბრისას მის პროფესიულ მიღწევებს დადებითად აფასებს.
ასევე დაგაინტერესებთ:
#OK! წყვილი: ჯენიფერ ლოპესი და ბენ აფლეკი ოქროს გლობუსის დაჯილდოებაზე
