ბენ აფლეკისა და ჯენიფერ გარნერის ყოფილი ვარსკვლავური წყვილის სიყვარულის ისტორია თითქმის ორი დეკადის წინ დაიწყო. წყვილი ერთმანეთს პირველად Pearl Harbor–ის გადასაღებ მოედანზე შეხვდა, თუმცა მათმა ურთიერთობამ მხოლოდ ოთხი წლის შემდეგ მიიღო სერიოზული სახე. ბენ აფლეკის და ჯენიფერ გარნერის ქორწილი 2005 წელს შედგა, მათ სამი შვილი ჰყავთ, ვიოლეტ ანი, სერაფინა როუზ ელიზაბეტი და სამუელ გარნერები. წყვილმა რამდენიმეწლიანი ქორწინების შემდეგ, 2015 წელს განქორწინება გადაწყვიტა, რომელიც ოფიციალური გაყრით 2018 წელს დაგვირგვინდა.
გავიხსენოთ მნიშვნელოვანი მომენტები ყოფილი წყვილის სიყვარულის ისტორიიდან.
2000 წელს ჯენიფერ გარნერი და ბენ აფლეჯი ერთმანეთს Pearl Harbour-ის გადასაღებ მოედანზე შეხვდნენ.
2003 წელს ჯენიფერმა და ბენმა ერთად მიიღეს მონაწილეობა ფილმ Daredevil-ში.
2004 წელს წყვილი საზოგადოებაში მეგობრების სტატუსით ჩნდება.
2005 წელს ბენ აფლეკი ჯენიფერ გარნერს ცოლობას სთხოვს.
2005 წლის 29 ივნისს წყვილი ქორწინდება და ვრცელდება ინფორმაცია, რომ ჯენიფერი ორსულადაა.
2005 წლის პირველ დეკემბერს წყვილს პირველი შვილი ვიოლეტი შეეძინა.
2009 წლის 6 იანვარს ბენი და ჯენიფერი მეორე შვილის, სერაფინის მშობლები ხდებიან.
2012 წლის 27 თებერვალს წყვილს მესამე შვილი, ვაჟი, სამუელი შეეძინათ.
2013 წლის 9 დეკემბერს, ბენ აფლეკმა საჯაროდ განაცხადა, რომ მის ცხოვრებაში ყველაზე მნიშვნელოვანი ადამიანი მისი მეუღლე იყო.
2015 წლის 30 ივნისს, ბენმა და ჯენიფერმა საჯაროდ განაცხადეს, რომ განქორწინებას გეგმავდნენ.
2017 წელს ბენი ალკოჰოლთან დამოკიდებულების გამი მკურნალობდა, რაშიც მადლობა ყოფილ მეუღლეს გადაუხადა.
2018 წელს წყვილის განქორწინება ოფიციალური გახდა.
მას შემდეგ წყვილს მეგობრული ურთიერთობა აკავშირებს, ისინი ერთად არიან ჩართულები აქტივობებში, რომლებიც მათ საერთო, სამ შვილთან არის დაკავშირებული.
