თბილისი ბოლო წლებში ერთ-ერთ ყველაზე მიმზიდველ ადგილად იქცა ბუტიკ-სასტუმროების მოყვარულებისთვის. გაცოცხლებული ძველი შენობები, ინდუსტრიული დიზაინი, არტისტული ინტერიერები და ღვინის კულტურასთან შერწყმული სტუმარ-მასპინძლობა ქალაქს სრულიად ახალ იერს სძენს.
Vinotel
ძველი თბილისის ისტორიულ უბანში, ფერად აივნებსა და ვიწრო ქუჩებს შორის, მდებარეობს ერთ-ერთი ყველაზე გამორჩეული ბუტიკ-სივრცე — Vinotel Boutique Hotel. ეს არ არის უბრალოდ სასტუმრო — ეს არის XIX საუკუნის თბილისის არისტოკრატიული სახლის თანამედროვე ინტერპრეტაცია
შენობა თავდაპირველად ქალაქის მდიდარი ოჯახების რეზიდენცია იყო.
Vinotel-ის ერთ-ერთი მთავარი ხიბლი მისი ინტერიერია, სადაც ისტორიული ელემენტები თანამედროვე კომფორტს ერწყმის. თითოეული ოთახი ინდივიდუალურად არის გაფორმებული — განსხვავებული ფერებით, ტექსტურებითა და ავეჯით. აქ ვერ იპოვი სტანდარტულ, ერთნაირ ნომრებს
სასტუმროს ყველაზე შთამბეჭდავი ნაწილი კი მისი ღვინის სარდაფია.
Communal Hotel Sololaki
Communal-ის კონცეფცია “სახლური სასტუმროს” იდეაზეა აგებული — აქ სტუმარი არ არის უბრალოდ ვიზიტორი, არამედ დროებით ბინადარი, რომელიც ქალაქის ყოველდღიურობას უფრო ახლოდან ეცნობა. ადგილი განსაკუთრებით იზიდავს იმ მოგზაურებს, ვინც ეძებს ავთენტურ გამოცდილებას და არა სტანდარტულ ტურისტულ მომსახურებას.
Shota Rustaveli Boutique Hotel
რუსთაველის გამზირთან ახლოს მდებარე Shota Rustaveli Boutique Hotel აერთიანებს თანამედროვე კომფორტს და კლასიკურ ესთეტიკას.
სასტუმრო განსაკუთრებით პოპულარულია ბიზნეს-ვიზიტორებსა და იმ სტუმრებს შორის, ვინც ქალაქის ცენტრში მშვიდ, დახვეწილ გარემოს ეძებს.
მისი მთავარი უპირატესობა მდებარეობაა — რამდენიმე წუთში შეიძლება მოხვდე ქალაქის მთავარ კულტურულ და ტურისტულ წერტილებში.
#OK! Pabellón Hotel – სასტუმრო, რომელიც კახეთის წარსულსა და აწმყოს ჰარმონიულად აერთიანებს
Museum Hotel Orbeliani
შენობა, რომელიც ოდესღაც არისტოკრატიულ ოჯახებს ეკუთვნოდა, დღეს თანამედროვე ბუტიკ-სასტუმროდ არის გადაკეთებული, თუმცა ისტორიული ხასიათი სრულად შენარჩუნებულია.
ინტერიერში კლასიკური თბილისური არქიტექტურის გავლენა იგრძნობა — მაღალი ჭერი, დეკორატიული ელემენტები და ელეგანტური დეტალები, რომლებიც თანამედროვე დიზაინთან სრულ ჰარმონიაშია.
სასტუმროს ერთ-ერთი მთავარი ატრაქციონი rooftop ტერასაა, საიდანაც ძველი თბილისი თითქმის პანორამულად იშლება.
Blueberry Nights
Blueberry Nights ერთ-ერთი ყველაზე განსხვავებული ბუტიკ-სივრცეა თბილისში. მისი კონცეფცია კინემატოგრაფიულ ესთეტიკაზეა აგებული.
სასტუმრო განსაკუთრებით პოპულარულია ახალგაზრდა მოგზაურებსა და დიზაინის მოყვარულებში.
Blueberry Nights ხშირად განიხილება როგორც “Instagram-friendly” სივრცეს, თუმცა მისი რეალური ღირებულება მხოლოდ ვიზუალში არ არის — აქ მთავარი ატმოსფეროა.
Bellhop Tbilisi
Bellhop-ის კონცეფცია აშკარად განსხვავებულია ტრადიციული ბუტიკ-სასტუმროებისგან — დღისით ის მშვიდი სამუშაო და შეხვედრების ადგილია, საღამოს კი უფრო ენერგიულ, სოციალურ სივრცედ გარდაიქმნება.
ინტერიერი მინიმალისტურია — თბილი განათება, ბუნებრივი მასალები და თანამედროვე დეტალები ქმნის ურბანულ, მაგრამ მაინც კომფორტულ ატმოსფეროს. Bellhop განსაკუთრებით პოპულარულია ახალგაზრდა მოგზაურებში.
Unfound Door
შენობა, რომელშიც სასტუმროა განთავსებული, XIX საუკუნის თბილისური არისტოკრატიული არქიტექტურის ერთ-ერთი ტიპური მაგალითია. წლების განმავლობაში ის სხვადასხვა ფუნქციას ასრულებდა, თუმცა საბოლოოდ, თითქმის ორწლიანი რესტავრაციის შემდეგ სასტუმროდ გადაკეთდა.
Unfound Door-ის ნომრები ერთმანეთისგან განსხვავებულია — თითოეული ოთახი ინდივიდუალურად არის დაპროექტებული.
