მოგზაურებისთვის სასტუმრო ის ადგილია, სადაც შეიძლება დაისვენო, გაერთო, ღამე გაათენო და ახალი დღე ენერგიულად დაიწყო. ზოგისთვის პირველ ადგილზე კომფორტი და ფუფუნება დგას, რისთვისაც მზად არიან ძალიან დიდი თანხაც კი გადაიხადონ. OK! გთავაზობთ 10 ყველაზე ძვირადღირებული სასტუმროს ჩამონათვალს.
Lover’s Deep, წყალქვეშა ნავი „წმინდა ლუსია“
სასტუმრო განთავსებულია ძვირფას წყალქვეშა ნავში. სტუმრებს, ოკეანის სიღრმეში, შეუძლიათ დატკბნენ ულამაზესი წყალქვეშა სამყაროთი. მიუხედავად იმისა, რომ ამ საოცარ სასტუმროში ერთი ღამის გატარების საფასური $150000-ია, სტუმრები წერენ, რომ აქ დახარჯული თანხა ღირს ამ ზღაპრულ სამყაროში მოსახვედრად.
Hotel President Wilson Royal Penthouse Suite − ჟენევა, შვეიცარია
Royal Penthouse Suite არა მხოლოდ ლამაზი და მყუდრო, არამედ ერთ-ერთი ყველაზე უსაფრთხო სასტუმროა მსოფლიოში. ნომერში ყველა კარ-ფანჯარა ტყვიაგაუმტარია, მასში 12 საძინებელია ინდივიდუალური ლიფტით. ყველა ნომერს აქვს სპორტული დარბაზი, ბიბლიოთეკა, გასართობი დარბაზი და როიალი. ერთი ღამის ღირებულება 83000 დოლარს შეადგენს.
Four Seasons Hotel Ty Warner − ნიუ იორკი, აშშ
სასტუმრო არქიტექტურისა და მხატვრობის შედევრად მიიჩნევა. აქ სტუმრობა განსაკუთრებით ხიბლავთ ხელოვნების მოყვარულებს. სასტუმროს კედლები სხვადასხვა ქვეყნის მხატვრების საინტერესო ნამუშევრებითაა დამშვენებული. ერთი ღამის საფასურია 50000 დოლარი.
Raj Palace Hotel − ჯაიპური, ინდოეთი
ეს სასტუმრო ყველაზე ძვირადღირებულია არა მხოლოდ ინდოეთში, არამედ მთელ აზიაში. მის ყველაზე ფეშენებელურ ნომერში განთავსებულია ძვირფასი სასადილო და ბიბლიოთეკა, საძინებლის ავეჯი კი სპილოს ძვლისგანაა დამზადებული. ერთი ღამე აქ 75000 დოლარი ღირს.
Laucala Island Resort Hilltop Estate − ფიჯი
Hilltop Estate გორაკის წვერზე მდებარეობს, საიდანაც ულამაზესი პანორამული ხედი იშლება. დიდ აპარტამენტებში შესაძლებელია 8 ადამიანის განთავსება. ღამის გასათევად 45000 დოლარი უნდა გადაიხადოთ.
Grand Resort Lagonissi Royal Villa − ათენი, საბერძნეთი
ძალიან ექსტრავაგანტური სასტუმრო 197 ოთახით, 76 ლუქსით და ათი სხვადასხვა ტიპის რესტორნით. აქვე შეგიძლიათ ისარგებლოთ ვერტმფრენის ლიფტებით, იახტებით და ლიმუზინებით.
Grand Hyatt Cannes Hotel Martinez − კანი, საფრანგეთი
Grand Hyatt Cannes − ყველაზე ძვირადღირებული დასასვენებელი ადგილია მთელ საფრანგეთში. იგი ძალიან პოპულარულია ჰოლივუდის მსახიობებსა და ცნობილ ტოპ-მოდელებში. აღსანიშნავია, რომ კანის ფესტივალის დროს მსოფლიო კინოინდუსტრიის ვარსკვლავები ყოველთვის ამ სასტუმროთი სარგებლობენ. სასტუმროს ნომრებს აქვს სასადილო ოთახი და დამოუკიდებელი ტერასა, რომელიც ოკეანეს გადაჰყურებს. ერთი ღამის საფასური 53000 დოლარია.
Palms Casino Resort − ლას ვეგასი, ნევადა
836 მ2 ფართის მქონე ნომერში რომ მოხვდეთ, ამ ოთახისთვის განკუთვნილი მინის ლიფტით უნდა ისარგებლოთ. ნომერში განთავსებულია სამი საძინებელი, ჯაკუზი, საუნა და დიდი ღია ტერასა. ერთი ღამის ღირებულება 35450 დოლარია.
Hotel Plaza Athenee − საფრანგეთი
Hotel Plaza Athenee ერთ-ერთი ყველაზე ძვირადღირებული სასტუმროა პარიზში. აქ ღამე 27000 დოლარი დაგიჯდებათ.
Burj Al Arab − დუბაი, არაბთა გაერთიანებული საამიროები
თანამედროვე სამყაროს ეს საოცრება სიმაღლით მეოთხე სასტუმროა მსოფლიოში. შენობის ფორმა გემის იალქანს მოგვაგონებს. განთავსებულია ხელოვნურ კუნძულზე. სასტუმროს მინიჭებული აქვს 7 ვარსკვლავი. ერთი ღამის საფასური 2750 დოლარიდან იწყება.
