ოსკაროსანი მსახიობი სიუზან სარანდონი ნიუ-იორკში, გაეროს შტაბ-ბინის წინ გამართულ საპროტესტო აქციაზე დააკავეს. აქციის მონაწილეები ისრაელის პრემიერ-მინისტრ ბენიამინ ნეთანიაჰუს გაეროს გენერალურ ასამბლეაზე გამოსვლას ეწინააღმდეგებოდნენ. სარანდონთან ერთად დააკავეს „Hacks“-ის ვარსკვლავი ჰანა აინბინდერიც.
აქცია 24 სექტემბერს, ნეთანიაჰუს გაეროს გენერალურ ასამბლეაზე სიტყვით გამოსვლამდე გაიმართა. დემონსტრაცია ორგანიზაცია Jewish Voice for Peace-ის მიერ იყო მოწყობილი და მონაწილეები ომისა და ისრაელისთვის სამხედრო დახმარების წინააღმდეგ გამოდიოდნენ.
სარანდონის დაკავების კადრები მალევე გავრცელდა – ვიდეოში ჩანს, როგორ მიჰყავთ მსახიობი პოლიციელებს. NYPD-ის ინფორმაციით, დაკავებულებს სამართალდარღვევის შესახებ უწყებები გადასცეს და მალევე გაათავისუფლეს.
აღსანიშანვია, რომ სარანდონისთვის ეს საპროტესტო აქციაში მონაწილეობის პირველი შემთხვევა არ არის. მსახიობი წლებია ამ საკითხზე საკუთარ პოზიციას ღიად აფიქსირებს. სექტემბერში, ვენეციის კინოფესტივალზე, ჟურნალისტებთან საუბრისას განაცხადა, რომ პოლიტიკური შეხედულებების გამო პროფესიული პრობლემებიც შეექმნა და ბოლო პერიოდში რამდენიმე როლი დაკარგა.
„ბოლო დროს ფილმებიც წამართვეს, რადგან სააგენტოები ხალხს ეუბნებიან, რომ აღარ დამიქირაონ“, – განაცხადა სარანდონმა ვენეციაში.
ასევე დაგაინტერესებთ:
#OK! ანჯელინა ჯოლის ქალიშვილმა საკუთარი ნახატების გაყიდვა დაიწყო – ვივიენის ახალი არტ-პროექტი
