მას შემდეგ, რაც ანჯელინა ჯოლისა და ბრედ პიტის 2000-იანი წლების ერთ-ერთ ყველაზე გახმაურებული წყვილის სიყვარულის ისტორია 12 წლის შემდეგ განქორწინებით დასრულდა, წყვილის პირადი ცხოვრება და ბავშვებთან ურთიერთობა კვლავ უცხოური გამოცემებისა და ტაბლოიდების მუდმივი განხილვის საგანია.
როგორც იცით, წყვილს ქორწინებიდან 6 ბავშვი დარჩათ.
მედოქს შივანი ოჯახის პირველი, პაქსი კი – მეორე არაბიოლოგიური შვილია.
ზაჰარა ანჯელინამ ექვსი თვის ასაკში ეთიოპიაში აღმოაჩინა, როდესაც გაიგო, რომ მას მშობლები შიდსისგან გარდაეცვალა.
გოგონა ვარსკვლავური წყვილის რიგით მესამე არაბიოლოგიური შვილია.
2006 წელს ანჯელინა ჯოლისა და ბრედ პიტის ვარსკვლავურ წყვილს პირველი ბიოლოგიური ქალიშვილი შაილო, 2008 წელს კი ტყუპები – ვივიენი და ნოქსი შეეძინათ.
როგორც თავად ანჯელინა აცხადებს დროის უმეტეს ნაწილს ოჯახის წევრებთან ერთად ატარებს, შვილების აღზრდა მისი ცხოვრების ერთ-ერთი უმთავრესი მიზანია.
მიუხედავად იმისა, რომ ვარსკვლავური ოჯახი უცხოური გამოცემების ყურადღების ცენტრში გამუდმებით ექცევა, ყველაზე განხილვადი ანჯელინას პირველი ბიოლოგიური ქალიშვილი შაილო ჯოლი პიტია.
წარმოგიდგენთ 5 ყველაზე ხშირად დასმულ შეკითხვას ანჯელინა ჯოლისა და ბრედ პიტის 17 წლის ქალიშვილის შესახებ.
1. შაილო ადრეული ასაკიდანვე გახდა ლგბტ ჯგუფის ერთ-ერთი საყვარელი ფიგურა, რადგან ჯერ კიდევ სამი წლის ასაკში, მან მშობლებს განუცხადა, რომ ბიჭად ყოფნა სურს და უმჯობესი იქნება თუ ჯონით მიმართავენ.
2. ყველას ჰგონია, რომ შაილო აშშ-ში დაიბადა, სინამდვილეში კი, ის ნამიბიაში მოევლინა ქვეყნიერებას.
3.მან უკვე რამდენიმე რეკორდი მოხსნა: შაილოს პირველი ფოტოები პრესაში რეკორდულ თანხად – 10 მილიონ დოლარად გაიყიდა და ეს თანხა მისმა მშობლებმა საქველმოქმედო საქმიანობას მოახმარეს.. 2006 წელს კი, შაილო ყველაზე ახალგაზრდა ვარსკვლავი გახდა, რომლის ცვილის ქანდაკებაც მადამ ტიუსოს მუზეუმში გამოიფინა.
4. სახელს “შაილოს” სევდიანი ისტორია აქვს, როგორც ანჯელინა აღნიშნავს, სწორედ ამ სახელის დარქმევა სურდათ მის მშობლებს პირველი შვილისთვის, რომელიც სამწუხაროდ ქვეყნიერებას ვერ მოევლინა.
5.შაილოს კინოინდუსტრიაშიც აქვს გამოცდილება და მისი სახელი შესაძლოა უკვე შეგინიშნავთ “კუნგ ფუ პანდას ტიტრებშიც,” სადაც და-ძმასთან ერთად ცხოველებს ახმოვანებდა.
მიუხედავად იმისა, რომ შაილო ჯოლი პიტმა მშობლებს ადრეული ასაკიდანვა განუცხადა, რომ სქესის შეცვლა უნდოდა, მისი უახლესი ფოტოებიდან ირკვევა, რომ გადაწყვეტილება კიდე ერთხელ შეიცვალა და ძველებურ სტილს დაუბრუნდა.
შაილო ჯოლი პიტი ბოლო ერთი კვირის განმავლობაში Eternals-ის პრემიერის წითელ ხალიჩაზე კაბით სამჯერ გამოჩნდა.
