22 სექტემბერს, Vogue World: Milano-ს პოდიუმზე არაერთი ცნობილი სახე ვიხილეთ, თუმცა განსაკუთრებული ყურადღება ჯენიფერ ლოპესმა მიიქცია. 57 წლის მომღერალი ღონისძიებაზე მოულოდნელად გამოჩნდა და პოდიუმის ცენტრში, მუსიკის ფონზე იცეკვა.
ლოპესმა Dolce & Gabbana-ს შავი ტიულის კორსეტის ტიპის კაბა წარადგინა. ლუქის მთავარი აქცენტი Dolce & Gabbana-ს Alta Gioielleria-ს კოლექციის შთამბეჭდავი ყელსაბამი იყო. თეთრი ოქროსა და ბრილიანტებისგან დამზადებულ სამკაულს ცენტრში 74.459-კარატიანი პარაიბას ტურმალინი ამშვენებდა. მომღერალმა მას ბრილიანტის საყურეები და ბეჭედი შუხამა.
აღსანიშნავია, რომ იგივე ყელსაბამი 2025 წლის ოქტომბერში ლედი კიტი სპენსერს ეკეთა. პრინცესა დიანას დისშვილმა სამკაული Grand Prix de la Haute Joaillerie-ის ღონისძიებაზე მოირგო.
Vogue World ჟურნალ Vogue-ისა და მისი მთავარი რედაქტორის, ანა ვინტურის, მიერ შექმნილი გლობალური მოდის ღონისძიებაა, რომელიც ყოველწლიურად მსოფლიოს სხვადასხვა მოდის ქალაქში იმართება.
პროექტი Vogue-მა 2022 წელს ნიუ-იორკში დაიწყო და მას შემდეგ ღონისძიება ლონდონში, პარიზსა და ლოს-ანჯელესში გაიმართა. ყოველ წელს მისი კონცეფცია განსხვავებულია: იგი მოდას სხვა სფეროებთან – მუსიკასთან, კინოსთან, სპორტთან, თეატრთან და ხელოვნებასთან – აერთიანებს. მილანის შემთხვევაში მთავარი აქცენტი იტალიურ მემკვიდრეობაზე, ხელოვნებასა და ტექნოლოგიების ეპოქაში ადამიანის შემოქმედების მნიშვნელობაზე გაკეთდა.
პოდიუმზე ლოპესთან ერთად სხვა ცნობილი სახეებიც გამოჩნდნენ, მათ შორის კარდი ბი და ალიშა კიზი, ღონისძიების სტუმრებს შორის კი პამელა ანდერსონი, დაკოტა ჯონსონი და ჰეიდი კლუმი იყვნენ.
ასევე დაგაინტერესებთ:
#OK! Vogue World: Milano 2026 – ვარსკვლავები, რობოტები და იტალიური მოდის ისტორია ერთ პოდიუმზე
