ანჯელინა ჯოლისა და ბრედ პიტის 18 წლის ქალიშვილმა, ვივიენმა, საკუთარი მხატვრული ნამუშევრები ლოს-ანჯელესის ქუჩის ბაზრობაზე გაიტანა. მან ღონისძიებაზე თავისი არტ-პროექტი, „ტიტების ველები“ (Fields of Tulips), წარადგინა და მომხმარებლებს საკუთარი დიზაინით შექმნილი პრინტები, სტიკერები და დაბადების დღის ბარათები შესთავაზა.
ვივიენს დახლთან ტყუპი ძმა, ნოქსი ეხმარებოდა და ღონისძიების განმავლობაში ფოტოებსაც უღებდა, ვივიენი კი მთელი დღის განმავლობაში მომხმარებლებს ესაუბრებოდა და ნამუშევრებს აცნობდა.
ქუჩის ბაზრობაზე მონაწილეობა მისი პირველი შემოქმედებითი პროექტი არ არის. 2023 წელს ანჯელინა ჯოლიმ განაცხადა, რომ ქალიშვილი ბროდვეის მიუზიკლ „უცხოებზე“ (The Outsiders) მუშაობისას მოხალისე ასისტენტი იქნებოდა.
ვივიენი და ნოქსი ანჯელინა ჯოლისა და ბრედ პიტის ექვსი შვილიდან ყველაზე უმცროსები არიან. ტყუპების გარდა, ყოფილ წყვილს მედოქსი, პაქსი, ზაჰარა და შაილო ჰყავთ.
მიუხედავად იმისა, რომ ვივიენი ჰოლივუდის ცნობილი მსახიობების ოჯახში გაიზარდა, მისი ინტერესები მხოლოდ კინოსა და მსახიობობას არ უკავშირდება. თეატრში მუშაობის გამოცდილების შემდეგ ის ახლა საკუთარი ილუსტრაციების შექმნითა და გაყიდვითაც არის დაკავებული.
ანჯელინა ჯოლის თქმით, ვივიენი შემოქმედებითი საქმიანობის მიმართ ძალიან სერიოზულად არის განწყობილი.
ასევე დაგაინტერესებთ:
#OK! უთანხმოება გრძელდება – ანჯელინა ჯოლისა და ბრედ პიტის კიდევ ერთმა შვილმა გვარი შეიცვალა
#OK! ანჯელინა ჯოლიმ ბრედ პიტს Château Miraval- თან დაკავშირებულ სასამართლო დავაში მოუგო
