#OK! უთანხმოება გრძელდება – ანჯელინა ჯოლისა და ბრედ პიტის კიდევ ერთმა შვილმა გვარი შეიცვალა

ანჯელინა და ბრედი ექვს შვილს ზრდიან: მადოქსი (24), პაქსი (22), ზაჰარა (21), შაილო (19) და ტყუპები — ნოქსი და ვივიენი (17). მიუხედავად იმისა, რომ ისინი საჯაროდ 2016 წელს დაშორდნენ, განქორწინების პროცესის დასრულებას რვა წელი დასჭირდა. სწორედ იმ წელს ანჯელინამ განაცხადა, რომ თვითმფრინავში მოხდა ინციდენტი, რომლის დროსაც ბრედი მას და მათ ორ შვილს დაესხა თავს. ბრედმა ეს ბრალდებები უარყო. გავრცელებული ინფორმაციით, ბრედ პიტსა და მის შვილებს შორის ურთიერთობა წლების განმავლობაში მნიშვნელოვნად დაიძაბა. ამას ისიც ადასტურებს, რომ შვილები ერთმანეთის მიყოლებით მამის გვარზე უარს ამბობენ და საკუთარ სახელებში მხოლოდ „ჯოლის“ ტოვებენ.

ბოლო მონაცემებით ანჯელინა ჯოლისა და ბრედ პიტის ქალიშვილმა, ზაჰარა ჯოლიმ მამის გვარზე ოფიციალურად უარი თქვა. უცხოური მედიის ინფორმაციით, 20 წლის ზაჰარამ 28 აპრილს შეიტანა განცხადება, რომლის მიხედვითაც გვარიდან „პიტის“ ამოღება სურდა. აღსანიშნავია, რომ მსგავსი ნაბიჯი ცოტა ხნის წინ მისმა ძმამ, მადოქს ჯოლიმაც გადადგა, მანამდე კი ვივიენ და შაილო ჯოლებმაც. როგორც ცნობილია, ბავშვები მშობლების 2016 წლის გახმაურებული დაშორების შემდეგ სულ უფრო იშვიათად ასოცირდებიან მამის გვართან. ზაჰარას გადაწყვეტილებაზე საუბარი უკვე დიდი ხანია მიმდინარეობს. მან ამის შესახებ ირიბად მიანიშნა კოლეჯის დამთავრების ცერემონიაზეც, რომელიც ატლანტაში გაიმართა. მიუხედავად იმისა, რომ გამოსაშვებ პროგრამაში მისი სახელი „ზაჰარა მარლი ჯოლი-პიტის“ სახით იყო მითითებული, დიპლომის მიღებისას იგი მხოლოდ „ზაჰარა მარლი ჯოლის“ სახელით გამოაცხადეს.

ზაჰარას გადაწვეტილებამდე მისმა ძმამ მადოქსმაც შეიცვალა გვარი.ანჯელინას ახალი ფილმის, Couture-ის ტიტრებში მადოქსი ასისტენტ რეჟისორად არის მოხსენიებული. თუმცა, გამოცემა People-ის ინფორმაციით, მისი სახელი მითითებულია როგორც „Maddox Jolie“. ამავე წყაროს ცნობით, ფილმის პრემიერაზე ტორონტოს საერთაშორისო კინოფესტივალზე ჟურნალისტებისთვის მიწოდებულ მასალებშიც მადოქსი მხოლოდ გვარით „Jolie“ იყო წარმოდგენილი. TMZ-ის მიერ 2026 წლის 29 მაისს გავრცელებული ინფორმაციით, მადოქსმა სასამართლოში უკვე შეიტანა შესაბამისი დოკუმენტები, რათა გვარიდან „პიტი“ ამოიღოს და ოფიციალურად მედოქს ჩივან ჯოლი გახდეს. ამ გადაწყვეტილებით ის მის დებს უერთდება, რომლებმაც მამის გვარი უკვე კანონიერად ჩამოიშორეს.

ვივიენიც პროფესიულ პროექტებში „Vivienne Jolie“-ის სახელით არის დაკრედიტებული. ზაჰარამაც კოლეჯის ერთ-ერთ ღონისძიებაზე საკუთარი თავის წარდგენისას გვარიდან „Pitt“ ამოიღო. არსებული ინფორმაციით, ჯერჯერობით მხოლოდ ერთმა შვილმა შეცვალა გვარი ოფიციალურად — შაილომ. მან განაცხადი 18 წლის იუბილეზე შეიტანა. შაილოს ადვოკატის განცხადებით, მამის გვარის ჩამოშორება მისი „დამოუკიდებელი და მნიშვნელოვანი გადაწყვეტილება“ იყო, რომელიც „მტკივნეული მოვლენების“ შემდეგ მიიღო.

ამ ყველაფერთან ერთად, ანჯელინა და ბრედი კვლავ სამართლებრივ დავაში არიან საფრანგეთში არსებული ღვინის მამულის, Château Miraval-ის გამო, რომელსაც ერთად ფლობდნენ. ჯოლიმ ბრედი დაადანაშაულა, რომ სარჩელის მეშვეობით მის წინააღმდეგ „შურისმაძიებელ ომს“ აწარმოებს. დავა, 2022 წლიდან დღემდე გრძელდება.

ასევე დაგაინტერესებთ

#OK! ანჯელინა ჯოლი შვილებთან ერთად ამერიკის დატოვებას გეგმავს