ET Canada-სთან ექსკლუზიურად საუბრისას რობერტ დე ნირომ განაცხადა, რომ მას 79 წლის ასაკში მეგობარ ქალთან, ტიფანი ჩენთთან ერთადმეშვიდე შვილი შეეძინა:
“ბავშვები განსხვავებული რამაა, ყოველთვის ცდილობ ადამიანი, მაშინაც კი, როდესაც ამის ენერგია არ გაქვს, რომ მათ მაქსიმალურად კარგო პირობები შეუქმნა. ზუსტად ვიცი, რომ ნებისმიერი მშობელი დამეთანხმება ამაში. ახლახანს შემეძინა შვილი, მეშვიდე შვილი და ეს მართლაც გასაოცარი გრძნობაა”.
აკადემიის უმაღლესი ჯილდოს მფლობელ მსახიობს წინა ურთიერთობებიდან 6 შვილი ჰყავს. დე ნიროს და მის პირველ ცოლს, Diahnne Abbott-ს ქალიშვილი, 51 წლის დრენა და 46 წლის ვაჟი, რაფაელი ჰყავთ. 1995 წელს რობერტს ყოფილ მეგობარ გოგონასთან, მოდელთან და მსახიობთან Toukie Smith-თან ტყუპი ბიჭები, ჯულიენი და აარონი შეეძინა. დე ნიროს ასევე ჰყავს 24 წლის ვაჟი ელიოტი და 11 წლის ქალიშვილი ჰელენ გრეისი, ყოფილ მეუღლესთან, Grace Hightower-თან.
რობერტ დე ნიროს და მისი მეგობარი ქალის ტიფანი ჩენის პაპარაცული ფოტოები:
