ყოველწლიური საერთაშორისო სილამაზის კონკურსი, რომელსაც მის მსოფლიოს ორგანიზაცია ატარებს 1952 წელს კალიფორნიაში დაარსდა, მას შემდეგ კი საზოგადოებას მსოფლიოს ულამაზესი გოგონების მონაწილეობით ყოველწლიურად წარმოუდგენს გრანდიოზულ ღონისძიებას.
რამდენიმე საათის წინ მათი ინსტაგრამ გვერდის საშუალებით ოფიციალური ინფორმაცია გავრცელდა, რომ “მის სამყარო 2021”-ის საპატიო ტიტულის მფლობელი ანდრეა მეზა გახდა, რომელიც ისტორიაში არის მესამე მექსიკელი ქალი, რომელმაც მსგავსი წოდება მიიღო.
“ჩემთვის ძალიან დიდი პატივია ამ გასაოცარი 73 ქალბატონის გვერდით დგომა, ოცნება ამიხდა და გავხდი მის სამყაროს ტიტულის მფლობელი. ჩვენ ვცხოვრობთ საზოგადოებაში, რომელიც გამუდმებით ვითარდება, სილამაზის სტანდარტები კი იცვლება და განსხვავებული მოთხოვნები ჩნდება. დღესდღეობით სილამაზე მხოლოდ გარეგნობა არაა, ჩემთვის სილამაზეს ასხივებს არა მხოლოდ ჩვენივე სულისკვეთება, არამედ ჩვენი გული და ჩვენივე ქცევა.”
