ბევრი ადამიანის სურვილია, იცხოვროს ერთდროულად ეკოლოგიურად სუფთა გარემოში და თან ქალაქთან ახლოს. ახალი საცხოვრებელი კომპლექსი „მცხეთის სურვილი“ თბილისიდან 10 წუთში, მცხეთასა და საგურამოს შორის ტერიტორიაზე მდებარეობს. ეს უნიკალური საცხოვრებელი კომპლექსი გარშემორტყმულია იუნესკოს მიერ დაცული ასწლოვანი ტყე-პარკით, ამასთანავე ტერიტორიიდან უსაფრთხო მანძილზე მდებარეობს მდინარე არაგვი და მისი უნიკალური ხეობა. კომპანია მომავალ მობინადრეს სთავაზობს მშვიდ და ჯანსაღ საცხოვრებელ გარემოს. უფრო ვრცლად „მცხეთის სურვილის“ უპირატესობებზე პროექტის თანადამფუძნებელი, მერაბ მორჩაძე გვესაუბრა.
რა იყო „მცხეთის სურვილის“ შექმნის მიზანი?
კომპანია „მცხეთის სურვილი“ 2022 წელს შეიქმნა. აღნიშნულ ტერიტორიაზე იყო ღვინის ქარხანა, რომელიც ამუშავებდა ქართლის ზონის ჯიშის ყურძენს: პინოს, ჩინურს, ალიოტეს, დირბულას და გურულ მწვანეს, ამასთანავე, ამზადებდა უნიკალურ საშამპანურე ღვინო-მასალას. პანდემიის პერიოდში ყველამ დავაფასეთ ჯანსაღი გარემო, უფრო მეტად დავუახლოვდით ბუნებას და გაგვიჩნდა სურვილი, გვქონოდა კერძო სახლები ლამაზი ეზოთი. ოჯახსა და მეგობრებთან ერთად გადავწყვიტეთ შეგვექმნა ლამაზი უბანი, რომელიც თბილისთან ახლოს იქნებოდა.
იქიდან გამომდინარე, რომ ჩვენი ოჯახი მრავალი ათეული წელია ვფლობთ ამ ტერიტორიას, კარგად ვიცოდით ამ ადგილის დადებითი მხარეები. საზოგადოებისთვის გვინდოდა შეგვეთავაზებინა ისეთი ადგილმდებარეობა, კლიმატური პირობები და მშენებლობის ხარისხი, რომელიც მთლიანად დაამტკიცებდა ამ პროექტის უპირატესობებს და გამოკვეთილი ლიდერი იქნებოდა ბაზარზე თავისი კონცეფციითა და ხარისხით.
პროექტის მშენებლობა 2023 წელს დაიწყო. საზოგადოებას შევთავაზეთ უნიკალური პროექტი – მაღალი ხარისხის, დაცული ტერიტორიით, რეკრეაციაში ჩაფლული დაცული ევროპული ტიპის უბანი – არასტანდარტული ეზოებით.
აღსანიშნავია, რომ პროექტი შესრულებულია ისეთი ტექნიკით, რომ ადვილად მოხდეს მისი დაკორექტირება, განსაკუთრებით პრეტენზიული მყიდველისთვისაც. ამ ადგილის გარშემო მოწყობილია ინფრასტრუქტურა, მიწისქვეშა გადასასვლელიც. მნიშვნელოვანია საავტომობილო მოძრაობა როგორც თბილისისკენ, ისე დასავლეთისკენ, ყაზბეგისკენ და აღმოსავლეთ საქართველოს შემოვლითი გზითაც.
რას სთავაზობთ საზოგადოებას?
მომხმარებელს შევთავაზეთ ლოკაცია, რომელიც საგურამოსა და მცხეთას შორის ტერიტორიაა, საიდანაც იშლება არაგვის ხეობის, ზედაზნის მთისა და ჯვრის მონასტრის ხედები. ჰავა არის გრილი, საგურამოსა და მცხეთასთან შედარებით. მდინარის ხეობაში მუდმივად არაგვის ნიავი ქრის.
ჩვენ გთავაზობთ მშვიდ და ჯანსაღ საცხოვრებელ გარემოს. 1 ჰექტარი უნიკალური ტყე-პარკით გარშემორტყმული უბანი აერთიანებს თანამედროვე დიზაინის 47 ვილას, სპორტულ და საბავშვო მოედნებს, მოსასვენებელ სივრცეებს, საფეხმავლო ბილიკებს. დავაგეგმარეთ ოთხი ტიპის ვილა, რაც მომხმარებელს საშუალებას აძლევს, შეარჩიოს მისთვის სასურველი კვადრატულობა. ახალი საცხოვრებელი კომპლექსი შენდება უმაღლესი ხარისხის მასალებით. ვილებამდე მიყვანილი იქნება ყველა კომუნიკაცია – ელექტროენერგია, გაზი, ინტერნეტი, კანალიზაცია და წყალმომარაგება.
რა გამოგარჩევთ ბაზარზე?
ჩვენი მთავარი უპირატესობებია ბუნებასთან სიახლოვე, ადგილმდებარეობა, ხედები და 2 ჰექტრამდე გამწვანებული რეკრეაცია, სადაც ეწყობა სპორტული მოედანი, ველო და საფეხმავლო ბილიკები, საბავშვო და მოსასვენებელი სივრცეები. კეთდება ბეტონის გზები ტროტუარებით, განათება, დაცვა და 24-საათიანი ვიდეოკონტროლი. კომპანია ორიენტირებულია, თითოეულ მომხმარებელს შეუქმნას კომფორტული გარემო, შესაბამისად, ზრუნავს გარე სივრცეების განვითარებაზე.
გავითვალისწინეთ ისიც, რომ ვისაც აქვს მაღალი წნევის ცვალებადობის აუტანლობა, შევთავაზეთ ზღვის დონიდან 640 მეტრზე კომფორტული გზით მისვლა. ლოკაციის სიმარტივიდან გამომდინარე, ჩვენი მომხმარებლების უმეტესობა ჩვენს ვილებს განიხილავს საცხოვრებლად, თუმცა იდეალური ადგილია ასევე საინვესტიციოდ.
როგორც აღვნიშნე, სრულიად უსაფრთხო მანძილზე ჩვენს სიახლოვეს მოედინება მდინარე არაგვი, სადაც ჩვენი კომპანია გეგმავს „მცხეთის სურვილის“ თითოეულ მაცხოვრებელს შეუქმნას დასასვენებელი სივრცეები, რაც ზაფხულის პერიოდში დიდ კომფორტს შეუქმნის თითოეულ მცხოვრებს.
ამ ეტაპზე სამშენებლო სამუშაოები დასრულებულია და აქტიურად მიმდინარეობს კომუნიკაციებისა და გზების მოწყობის სამუშაოები. პროექტი სრულდება 2024 წლის აგვისტოს ბოლოს.
