ჰოლივუდელმა მსახიობმა და კომიკოსმა, ჯიმ კერიმ ოფიციალურად დაადასტურა, რომ მისი გული დაკავებულია და თავისი ახალი რჩეულის ვინაობა გაამჟღავნა. Variety-ის ინფორმაციით, ეს ფრანგული კინოპრემია „სეზარის“ დაჯილდოების ცერემონიაზე მოხდა. ღონისძიებაზე ვარსკვლავი მარტო არ მისულა – წითელ ხალიჩაზე მას გვერდს უმშვენებდნენ ქალიშვილი ჯეინი, შვილიშვილი ჯექსონი და საყვარელი ქალი, რომელიც მსახიობმა საზოგადოების წინაშე ოფიციალურად პირველად წარადგინა.
64 წლის ჯიმ კერის რჩეული ლოს-ანჯელესელი მსახიობი და მხატვარი, მინზი გახდა. საზეიმო საღამოზე მსახიობი გრძნობების გამოხატვას არ ერიდებოდა – ის პარტნიორს ხელჩაკიდებული დაჰყვებოდა და ეხვეოდა. უფრო მეტიც, როდესაც სცენაზე კუთვნილი ჯილდო ჩაიბარა, სამადლობელ სიტყვაში მინზის სიყვარულიც აუხსნა.
„მადლობა ჩემს საოცარ ოჯახს, ჩემს ქალიშვილს, ჯეინს და ჩემს შვილიშვილს, ჯექსონს. მიყვარხართ ახლა და სამუდამოდ. მადლობა ჩემს არაჩვეულებრივ თანამგზავრს, მინზის, მიყვარხარ და ბოლოს, მადლობა ყველაზე სასაცილო ადამიანს, ვისაც კი ოდესმე ვიცნობდი – მამაჩემს, პერსი ჯოზეფ კერის, რომელმაც სიყვარულის, ხელგაშლილობისა და სიცილის დაფასება მასწავლა“ – განაცხადა მსახიობმა.
უცნობია რამდენი ხანია, რაც ჯიმ კერი და მინზი ერთად არიან, თუმცა ისინი პირველად 2022 წლის თებერვალში, ლოს-ანჯელესში სეირნობისას შენიშნეს.
ჯიმ კერის საკმაოდ ხმაურიანი პირადი ცხოვრება აქვს. ის სამჯერ იყო დაქორწინებული. მისი მეუღლეები იყვნენ: მელისა უომერი (1987-1995), ლორენ ჰოლი (1996-1997) და ჯენი მაკარტი (2005-2010).
მსახიობის ყოფილ პარტნიორებს შორის არიან მსახიობები, მოდელები და ვიზაჟისტები, მათ შორის ლორენ ჰოლი, რენე ზელვეგერი, ჯენი მაკკარტი და კატრიონა უაითი.
მსახიობს ასევე ჰყავს შვილი, ჯეინ ერინ კერი პირველი ქორწინებიდან.
ასევე დაგაინტერესებთ
#OK! სასამართლომ „მარტო სახლში“-ს ვარსკვლავი დენიელ სტერნი გაამართლა
