სიმონ პორტ ჟაკმუსი იმ მცირერიცხვოვან ფრანგ დიზაინერებს მიეკუთვნება, რომლებიც შემოქმედებას არა პარიზის გლამური ცხოვრების სტილითა და რიტმით, არამედ საკუთარი წარმომავლობის, მშობლიური ადგილების ინსპირაციითა და თანამედროვე დეტალების ნაზავით ქმნიან.
ახალგაზრდა შემოქმედს პროვანსული სტილი პოდიუმზე გადმოაქვს. ჟაკმუსის “კრეატიულობის ელექტროსადგური” კონცეპტუალიზმსა და კომერციულობას შორის შესანიშნავად დაცული ბალანსით ყოველწლიურად აოცებს საზოგადოებას. მისი კოლექციები როგორც წესი „ავტობიოგრაფიულია“, თუმცა არასდროს კარგავს რელევანტურობას.
მინიმალისტურიი დეტალები, მრავალფეროვანი პალიტრა და რომანტიკული ელემენტები ბრენდის ინდივიდუალურ მხარეს ყოველთვის თვალსაჩინოდ გამოხატავს, რაც ისეთ მნიშვნელოვან საკითხებს მოიცავს, როგორებიც მრავალფეროვნება, ინკლუზიურობა და ავთენტურობაა.
ამჟამად სიმონ პორტ ჟაკმუსმა ბრენდის 2023 წლის გაზაფხული/ზაფხულის კოლექცია წარადგინა.
