რეგიონის ყველაზე მასშტაბური ტექნოლოგიური მოძრაობა გლობალ ტექ ვიქენდ თბილისი წელს კიდევ უფრო გავლენიანი სახელებით ბრუნდება. Google, Nike, Dolce & Gabbana, Amazon, Amber, Fuckup Nights – ეს სია გრძელდება და საბოლოო ჯამში 200-ზე მეტ სპიკერს აერთაინებს. GTWT 2026-ის მოწვეულ სტუმრებს თბილისი 20 ივნისს, მთავარ ღონისძიებაზე, Factory Tbilisi-ს ხუთ სხვადასხვა სცენაზე ნახავს.
გიფიქრიათ, როგორი ხერხებით აკეთებს ბიზნეს ანალიტიკას მსოფლიოში ერთ-ერთი ყველაზე სახელგანთქმული მოდის სახლი? ან როგორია ყოველდღიურობა იმ მენეჯერული ციფრული პლატფორმის ოფისში, რომლითაც თქვენს სამუშაო გუნდში დავალებებს ანაწილებთ? გაინტერესებთ როგორ აღიქვამენ საქართველოს სტარტაპ პოტენციალს საერთაშორისოდ სახელგანთქმული ანგელოზი ინვესტორები? ან გსურთ დაესწროთ სტემფორდის უნივერსიტეტის ლექტორის მოხსენებას და მოისმინოთ მისი პირადი ისტორიები ცნობილი ,,სილიკონ ველიდან?” ამ ყველაფერს და მეტს თქვენ წლის მთავარ ტექნოლოგიურ ღონისძიებაზე – გლობალ ტექ ვიქენდ თბილისი 2026-ზე შეძლებთ.
,,ჩვენ წელს ორჯერ გავზარდეთ მოწვეული სპიკერების რაოდენობა. ეს სია დაკომპლექტებულია როგორც გამორჩეული ადგილობრივი პროფესიონალებით, რომლებიც წლებია უკვე საქართველოში ინოვაციასა და ახალ ცოდნას ქმნიან, ისე მსოფლიოში სახელგანთქმული ბრენდების წარმომადგენლობით, რომლებსაც დიდი წვლილი აქვთ გლობალურად ბიზნეს და კულტურული ტრენდების შექმნაში. ვგეგმავთ, რომ ამ ადამიანებს სცენა მივცეთ როგორც ტრადიციულ საკონფერენციო გარემოში, ისე გავაერთიანოთ ისინი არაფორმალურ ნეთვორქინგ ზონებში, რათა გლობალ ტექ ვიქენდის სტუმრებს მათი პირადი გაცნობის საშუალება მიეცეთ.” – გვეუბნება ნია რესულიძე, სპიკერებისა და ოპერაციების ხელმძღვანელი.
ვის, სად და როდის ვნახავთ გლობალ ტექ ვიქენდ თბილისი 2026-ზე?
ღონისძიებები სამ დღეზეა განაწილებული და GTWT 2026 მოწვეულ სტუმრებს თბილისში, პარტნიორი კომპანიების სხვადასხვა ლოკაციებზე გაუმასპინძლდება.
პირველ დღეს, 19 ივნისს, 80-ზე მეტი ღონისძიებაა დაგეგმილი ვორქშოფების, კონფერენციების, დახურული სამუშაო შეხვედრებისა და ლექციების ფორმატში. სრული პროგრამა ხელმისაწვდომია: luma.page-ზე.
მთავარი ღონისძიება 20 ივნისს, შაბათს, ,,კოკა-კოლას” საწარმოს ყოფილ შენობაში გაიმართება. Factory Tbilisi-ს ხუთ სხვადასხვა სცენაზე თქვენ საშუალება გექნებათ ნახოთ:
მონიკა ბიელსკიტე
Protopia Futures-ის დამფუძნებელი და Nike-ის პირველი “Futurist in Residence”. როგორც პროგნოზირების პრაქტიკოსი, ის ქმნის მომავლის მდგრად სტრატეგიებს მეცნიერების, ტექნოლოგიებისა და ადამიანური გამოცდილების გათვალისწინებით. მონიკა მუშაობდა ისეთ კლიენტებთან, როგორებიცაა Disney/Marvel, Google, Microsoft და BBC, ასევე კითხულობს ლექციებს CERN-სა და როკფელერის უნივერსიტეტში.
დოტ ლანგი
გლობალური სოციალური მედიის სტრატეგი, რომელიც ერთმანეთთან ადამიანურ ქცევასა და ციფრულ კულტურას აკავშირებს. მან მარკეტინგული კარიერა ჯერ კიდევ MySpace-ზე დაიწყო, დღეს კი ქმნის კამპანიებს Meta-ს, Adobe-სა და Wix-ისთვის. დოტი ციფრული მარკეტინგის წრეებში ცნობილია როგორც Mother of Dragons, რადგან სოციალური მედიის ევოლუციის პროცესში შეიმუშავა ე.წ. „Dragon Strategy“.
ლუჩიანო ფრეიტასი
Aftermoon-ის ხელმძღვანელი და ინოვაციური მეწარმე, რომელიც კომპანიის ზრდისთვის სტრატეგიასა და მარკეტინგს მათემატიკური სიზუსტით იყენებს. როგორც გლობალური მარკეტინგის ექსპერტი 10 მილიარდ დოლარზე მეტი გავლენით, მას ეკავა მენეჯერული პოზიციები Airbnb-ში, Uber-სა და Hotmart-ში. ლუჩიანო არის ნეირომეცნიერი და ლიდერშიფის სპეციალისტი. ის კონსულტაციას უწევს ისეთ მსოფლიო გიგანტებს, როგორებიცაა Pfizer, Deloitte და Danone.
პეპე ვილატორო
სერიული ანტერპრენერი და Fuckup Nights-ის თანადამფუძნებელი. მისი შექმნილი ორგანიზაცია გლობალური გაერთიანებაა, რომელიც ადამიანებს ასწავლის მარცხის ინოვაციის ინსტრუმენტად გარდაქმნას. Fuckup Nights ამ დროისთვის 70-ზე მეტ ქვეყანას ესტუმრა თავისი უნიკალური ისტორიებით. პეპემ ასევე წარმატებით მართა ისეთი “უნიკორნი” კომპანიების სწრაფი ზრდა, როგორებიცაა WeWork და Deel.
მაიკ ფიშერი
ინტერაქციული გართობის სფეროს ლეგენდარული ხელმძღვანელი, რომელსაც Amazon-ში, Microsoft-სა და Square Enix America-ს C დონის მენეჯერული პოზიციები ეკავა. მან შექმნა ისეთი საკულტო ფრენჩაიზების საგამომცემლო სტრატეგია, როგორებიცაა Fortnite, Final Fantasy, Tomb Raider და Halo. ამჟამად მაიკი არის გეიმინგ ინდუსტრიის venture ფონდის, Firstpoint VC-ის გენერალური პარტნიორი.
თომას კოლსტერი
მარკეტინგისა და მდგრადი ბიზნესის სფეროში გლობალური ავტორიტეტი, რომელსაც Forbes-მა „კლიმატის ცვლილების აგენტი“ უწოდა. მან შემოიღო ტერმინი Goodvertising და წიგნში “The Hero Trap” აღწერა მეთოდოლოგია, რომელიც ბრენდებს რეალური გავლენის მოხდენაში ეხმარება. თომასი კონსულტაციას უწევდა ისეთ კომპანიებს, როგორებიცაა Meta, Adidas, IKEA და P&G.
საერთაშორისო სპიკერებთან ერთად სტუმრები გამორჩეული ქართული ბრენდების წარმომადგენლების გამომსვლელებსაც იხილავენ. ასე, ლოკალური გამოწვევების გადაჭრაზე ფიქრი საერთაშორისო გამოცდილებების გათვალისწინებით ხდება შესაძლებელი, რაც მოძრაობის ერთ-ერთი მთავარი მისიაა.
მესამე დღე კულტურულ გამოცდილებებს და არაფორმალურ ბიზნეს შეხვედრებს გააერთიანებს გააერთიანებს, საბოლოოდ კი გლობალ ტექ ვიქენდ თბილისი 21 ივნისის საღამოს, დახურვის ცერემონიით და კოქტეილ წვეულებით დასრულდება.
თუ გსურთ დაესწროთ წლის ყველაზე მნიშვნელოვან ტექ. ღონისძიებას, შეიძინეთ ბილეთები სასურველ პლატფორმაზე: gtwt.ge და TKT.GE | Biletebi.ge | whatabout.live
ღონისძიებებისა და სპიკერების შესახებ ინფორმაცია განახლებადია. სიახლეებისთვის ეწვიეთ GTWT 2026-ის ოფიციალურ სოციალურ მედია არხებს:
