ტრადიციულად, “მთავარი არხი” ახალი წლის ღამეს გრანდიოზულ კონცერტს გამართავს, რომელზეც ისევე როგორც ახალი, ასევე ძველი თაობის არაერთი ვარსკვლავი იმღერებს.
31 დეკემბრის ღამეს დიდხნიანი პაუზის შემდეგ მაყურებელი საერთაშორისოდ აღიარებულ ქართველ მომღერალს სოფო ნიჟარაძეს იხილავს, რომელიც სცენაზე ქალიშვილთან, ელის მარია სააკაშვილთან ერთად პირველად გამოჩნდება.
მიხეილ სააკაშვილმა რამდენიმე წუთის წინ რუსთავის ციხიდან ქალიშვილის შესახებ ემოციური წერილი გამოაქვეყნა და საზოგადოებას დამდეგი ახალი წელი მიულოცა:
“ეს პირველი ახალი წელია, რომელსაც ციხეში ვხვდები, მაგრამ შევეცადე ოპტიმიზმი მაინც არ დამეკარგა და ამაშიც მეპოვნა სიკეთის მარცვალი. დიახ, სამაგიეროდ, წელს პირველი წელია, როდესაც ტელევიზორის ეკრანიდან თავის დედიკოსთან ერთად სცენიდან მოგვესალმება “მთავარი არხის” საახალწლო კონცერტის ყველაზე პატარა მონაწილე, ელის მარია სააკაშვილი. ჩემი ყველაზე საყვარელი გოგო და ყველაზე უმცროსი შვილი. ბედნიერი ვარ, რომ ასეთი შესაძლებლობა მაქვს და ჩემი ახალი წელი სხვებისგან გამორჩეულია არა ციხის კედლებით, არამედ ჩემი საყვარელი გოგოს სატელევიზიო დებიუტით.”
შეგახსენებთ, რომ გრანდიოზული საახალწლო კონცერტის ნახვა 31 დეკემბერს 11 საათზე სამი არხის “ფორმულას, “მთავარი არხისა” და “TV პირველის” ეთერში შეგეძლებათ.
გადაცემის ანონსი:
“ერთად შევხვდეთ ახალ წელს მთავარ არხზე | 31 დეკემბერს, 23:00”
ქართველ ვარსკვლავს ქალიშვილი 2020 წლის ივნისში, ამერიკის შეერთებულ შტატებში შეეძინა.
View this post on Instagram
