საქართველოს მოსახლეობა, განსაკუთრებით კი OK!-ის მკითხველი, ძალიან კარგად იცნობს კომპანიას More Beauty, რომელიც უკვე მრავალი წელია წარმატებით ოპერირებს ქართულ ბაზარზე და მომხმარებელს ყველაზე მოთხოვნად და ხარისხიან პროდუქციას სთავაზობს. მოგეხსენებათ, ახლოვდება სიყვარულის დღე, შემდეგ კი ქალთა თვე – მარტი, სწორედ ამიტომ კომპანია უამრავ სიურპრიზსა და სიახლეს უმზადებს ქალბატონებს. ამ და სხვა საინტერესო საკითხებთან დაკავშირებით ჟურნალი OK! More Beauty-ის დირექტორ მარიამ ვაზაგაშვილს ესაუბრა.
More Beauty ყველასთვის საყვარელი და გამორჩეული კომპანიაა. ამჯერად სიახლეები გაქვთ მომხმარებლებისთვის. გვიამბეთ ახალი ფილიალის გახსნის შესახებ.
სიახლეები ბევრი გვაქვს, მათგან ყველაზე გამორჩეული ჩვენი ახალი ფილიალია, რომელიც გაიხსნა ჭავჭავაძის გამზ. 37მ, აქსის თაუერსში, -1 სართულზე. ახალმა შოურუმმა დიდი მოწონება დაიმსახურა ჩვენი მომხმარებლების მხრიდან და მათ უკვე რამდენიმე თვეა უწყვეტად ვმასპინძლობთ.
ასევე ახალი პროდუქცია გაქვთ. მოგვიყევით ამ პროდუქტების შესახებ, რას მოიცავს?
ახლა ჩვენთვის ყველაზე საყვარელი, დატვირთული და მნიშვნელოვანი პერიოდი ახლოვდება. ესაა სიყვარულის დღე და შემდეგ უკვე ქალთა თვე, რომლისთვისაც ყოველთვის განსაკუთრებულად ვემზადებით. არც ეს წელი იქნება გამონაკლისი, პირიქით, მომხმარებლებს განსაკუთრებით გავანებივრებთ. უამრავი აქცია, ფასდაკლება, სიურპრიზი და საჩუქრები იქნება. ასევე გვაქვს სიახლეები პროდუქციასთან დაკავშირებით, რაც უკვე იყიდება. ესაა ფრანგული სუნამოები, თმის ფრანგული აქსესუარები და ელექტროაპარატები. მალე სხვა სიახლეებსაც იხილავთ.
როგორ შეაფასებდით გასულ წელს კომპანიის საქმიანობისთვის და რა მოლოდინები გაქვთ 2024 წლიდან?
გასული წელი ჩვენთვის ცვლილებებსა და ზრდასთან ასოცირდება, განსაკუთრებით გამოვარჩევდით ყველაზე მასშტაბურ კამპანიას, როცა ბარბის ოფიციალური წარმდგენი გავხდით საქართველოში. ეს ძალიან სასიამოვნო გამოცდილება იყო More Beauty-სთვის და ამ კამპანიაზე მუშაობა ყველას განსაკუთრებულად დაგვამახსოვრდა.
2024 წელი აუცილებლად განსაკუთრებული იქნება, რადგან გეგმები ძალიან ბევრი გვაქვს, ჩვენი მომხმარებლები ყველა სიახლეს ეტაპობრივად შეიტყობენ.
რით გამოირჩევა More Beauty-ს მომსახურების სერვისი?
უკვე მეექვსე წელია კომპანია More Beauty ქართველ მომხმარებელს სანდო ევროპული ბრენდების თავის მოვლის საშუალებებს სთავაზობს. დაარსების დღიდან კომპანიის უმთავრესი მიზანი საქართველოში უმაღლესი ხარისხის პროდუქტისა და სერვისის სტანდარტების დანერგვაა.
ჩვენი პროდუქცია მაღალი, ევროპული ხარისხისაა, შესაბამისად, სანდოა. ვირჩევთ რამდენიმე მსგავს პროდუქტსა და ბრენდს, ამის შემდეგ კვლევებითა და დატესტვით ვადგენთ მის რეალურ ეფექტიანობას – რამდენად შედეგიანია? რა დროში? და ა.შ. ამ ინფორმაციებზე დაყრდნობით ვირჩევთ საუკეთესოს და მხოლოდ ამის შემდეგ ვთავაზობთ მას ქართველ მომხმარებლებს.
ასევე ჩვენთან შეძენის ყველანაირი პირობაა – შიდა და საბანკო ონლაინგანვადება, მიწოდება მთელი საქართველოს მასშტაბით და ასევე, უკვე მსოფლიოს მასშტაბით. განსაკუთრებიც გვახარებს ის ფაქტი, რომ ჩვენს ემიგრანტებსაც შეუძლიათ სარგებლობა ჩვენი პროდუქციით.
ჩვენი განსაკუთრებილობის საუკეთესო ინდიკატორი კმაყოფილი მომხმარებლების მზარდი რაოდენობაა, რასაც განსაკუთრებულად ვაფასებთ და ვუფრთხილდებით.
ტექსტი: ციაკო ღამბაშიძე
ფოტო: ალექსეი სეროვი
