ხუთი პავილიონი, 120-ზე მეტი ქართველი და საერთაშორისო სპიკერი, 80-ზე მეტი კომპანია და ათასობით მონაწილე — Unlimited Summit 2026-ის დაწყებამდე ოთხი დღე რჩება.
24–25 ოქტომბერს Expo Georgia-ში ორდღიანი საერთაშორისო სამიტი გაიმართება, რომელიც ტექნოლოგიებს, ხელოვნურ ინტელექტს, ბიზნესსა და კარიერულ შესაძლებლობებს გააერთიანებს. მონაწილეებს გამომსვლელებთან ერთად დახვდებათ საერთაშორისო კომპანიების წარმომადგენლები, საგამოფენო სივრცეები, პრაქტიკული ვორქშოფები და პროფესიული ნეთვორქინგის შესაძლებლობები.
წელს Unlimited Summit გაფართოებული საერთაშორისო ფორმატით ბრუნდება. ღონისძიების მთავარი მიმართულებებია ხელოვნური ინტელექტი, ციფრული ტრანსფორმაცია, მომავლის სამუშაო გარემო და ის შესაძლებლობები, რომლებსაც ტექნოლოგიური განვითარება ბიზნესსა და პროფესიულ საქმიანობაში ქმნის.
საერთაშორისო ტექნოლოგიური კომპანიები და AI-ის შესაძლებლობები
Unlimited Summit 2026-ის პროგრამაში მონაწილეობას მიიღებენ Microsoft-ის, Meta-ს, Google-ის, NVIDIA-ს, Higgsfield AI-ის, monday.com-ის, n8n-ის, Huawei-ის, Rakuten-ის, Zoho-სა და სხვა საერთაშორისო კომპანიებისა და ორგანიზაციების წარმომადგენლები.
ორი დღის განმავლობაში ქართველი და საერთაშორისო სპიკერები ისაუბრებენ ხელოვნური ინტელექტის პრაქტიკულ გამოყენებაზე, სამუშაო პროცესების ავტომატიზაციაზე, ციფრულ ტრანსფორმაციაზე, თანამედროვე პროფესიულ უნარებსა და ბიზნესის განვითარების ახალ შესაძლებლობებზე.
საერთაშორისო კომპანიების ჩართულობა მხოლოდ საკონფერენციო გამოსვლებით არ შემოიფარგლება. მათ შორის, Higgsfield AI წარმოდგენილი იქნება სამიტის Job Fair-ზეც, სადაც მონაწილეებს კომპანიის წარმომადგენლებთან უშუალო კომუნიკაციის შესაძლებლობა ექნებათ.
რა გაიმართება 24 ოქტომბერს?
სამიტის პირველ დღეს Expo Georgia-ს მე-6 პავილიონში ქართულენოვანი საკონფერენციო პროგრამა გაიმართება. ადგილობრივი ბაზრის ლიდერები, სხვადასხვა ინდუსტრიის წარმომადგენლები და ექსპერტები ისაუბრებენ საკუთარ პროფესიულ გამოცდილებაზე, თანამედროვე სამუშაო გარემოს გამოწვევებსა და ბიზნესის განვითარების პრაქტიკულ საკითხებზე.
მე-3 პავილიონში ინგლისურენოვანი სცენა საერთაშორისო ტექნოლოგიური კომპანიების წარმომადგენლებს, ქართველ პროფესიონალებსა და ბიზნესლიდერებს გააერთიანებს. პროგრამა მოიცავს ინდივიდუალურ გამოსვლებსა და პანელურ დისკუსიებს.
ამავე დღეს, მე-4 პავილიონში გაიმართება AI Hackathon — Unlimited × GAIA, რომელიც მონაწილეებს ხელოვნურ ინტელექტთან დაკავშირებულ პრაქტიკულ გამოწვევებზე მუშაობის შესაძლებლობას მისცემს.
მე-5 პავილიონში კი განთავსდება Job Fair, Education Fair და Startup Fair — სივრცეები, სადაც სტუმრებს შესაძლებლობა ექნებათ, გაეცნონ დამსაქმებლებს, საგანმანათლებლო პროგრამებს, სტარტაპებსა და სხვადასხვა კომპანიის საქმიანობას.
რას სთავაზობს მონაწილეებს სამიტის მეორე დღე?
25 ოქტომბერს საკონფერენციო პროგრამა საერთაშორისო და ქართველი სპიკერების გამოსვლებით გაგრძელდება. დღის განმავლობაში განსაკუთრებული ყურადღება დაეთმობა თანამედროვე პროფესიულ უნარებს, ტექნოლოგიურ ცვლილებებსა და პრაქტიკული გამოცდილების გაზიარებას.
მე-4 პავილიონში დაგეგმილია 30-წუთიანი პრაქტიკული ვორქშოფები, რომლებიც ხელოვნურ ინტელექტს, კარიერულ კონსულტირებას, კონტენტის შექმნას, ფოტოგრაფიას, ფრილანსინგსა და გაყიდვებს შეეხება.
ორივე დღის განმავლობაში გაგრძელდება Job Fair-ის, Education Fair-ისა და Startup Fair-ის მუშაობა.
სამიტის პროგრამა ასევე მოიცავს სპეციალურ შეხვედრებსა და წიგნების პრეზენტაციებს. მონაწილეებს შესაძლებლობა ექნებათ, შეხვდნენ მწერალ დათო ტურაშვილს და დაესწრონ წიგნების ხელმოწერას. ასევე გაიმართება დავით ჩქოტუას წიგნის — „მარკეტინგი არ მუშაობს“ — პრეზენტაცია.
პირველი სამიტიდან გაფართოებულ საერთაშორისო ფორმატამდე
Unlimited Summit პირველად 2026 წლის აპრილში გაიმართა და დაახლოებით 500 მონაწილე და 50-ზე მეტი სპიკერი გააერთიანა. პირველი ღონისძიების შემდეგ პროექტმა საქმიანობა დამატებითი პროფესიული შეხვედრებითა და თანამშრომლობითი ინიციატივებით განაგრძო.
ოქტომბრის სამიტი პროექტის განვითარების მომდევნო ეტაპია — უფრო ფართო საერთაშორისო პროგრამით, მონაწილე კომპანიების გაზრდილი რაოდენობითა და საკონფერენციო, საგამოფენო და პრაქტიკული აქტივობების ერთიანი ფორმატით.
Unlimited Summit-ის გრძელვადიანი მიზანია ისეთი პროფესიული პლატფორმის განვითარება, რომელიც საქართველოს ბიზნესსაზოგადოებას, ტექნოლოგიურ სექტორსა და ტალანტებს საერთაშორისო კომპანიებთან, გამოცდილებასა და ახალ შესაძლებლობებთან დააკავშირებს.
სპონსორები და პარტნიორები
Unlimited Summit 2026-ის განხორციელებაში მნიშვნელოვანი წვლილი შეაქვს საქართველოს ინოვაციების და ტექნოლოგიების სააგენტოს (GITA), რომლის ჩართულობა ხელს უწყობს სამიტის ტექნოლოგიური და ინოვაციური მიმართულებების განვითარებას.
ღონისძიების განხორციელებაში ასევე მონაწილეობენ სხვადასხვა სექტორის პარტნიორი კომპანიები, მედია პარტნიორები, Community Partners და საგამოფენო სივრცეში წარმოდგენილი კომპანიები (Exhibitors).
Unlimited Summit 2026-ის სპონსორები არიან NEVERMYND, Awork, OptiCrew, COMBINATI, IT Academy STEP, ELITE, Esquisse Boutique Hotel Telavi, Gurieli, Geosoft Cloud — Silver Sponsor.
Unlimited Summit 2026 გაიმართება 24–25 ოქტომბერს, Expo Georgia-ში, თბილისში.
Unlimited Summit 2026-ის ბილეთების შეძენა უკვე შესაძლებელია TKT.GE-სა და Biletebi.ge-ზე.
სამიტის პროგრამის, სპიკერებისა და ღონისძიების შესახებ უახლესი ინფორმაციის მისაღებად თვალი ადევნეთ Unlimited Summit-ის ოფიციალურ სოციალურ ქსელებს: Facebook | Instagram | LinkedIn | TikTok
