თანამედროვე ბიზნესგარემოში წარმატებული შეხვედრისთვის მნიშვნელოვანია სივრცე, რომელიც კომფორტს, თანამედროვე ტექნოლოგიებსა და პროფესიონალურ მომსახურებას ერთიანად უზრუნველყოფს. სასტუმრო ibis Tbilisi City სტუმრებს ოთხ თანამედროვე შეხვედრების სივრცეს სთავაზობს, რომელთა ტევადობა 100 ადამიანამდეა. სივრცეები სხვადასხვა ფორმატის ღონისძიებებზეა მორგებული, მცირე ბიზნესშეხვედრებიდან და ტრენინგებიდან დაწყებული, კონფერენციებით, პრეზენტაციებითა და კორპორატიული ღონისძიებებით დამთავრებული.
შეხვედრების სივრცეების ერთ-ერთი მთავარი უპირატესობა ბუნებრივი განათებაა. დღის შუქი ოთახებს ნათელ და კომფორტულ გარემოს უქმნის, ხოლო თანამედროვე ინტერიერი და ფუნქციური განლაგება ღონისძიების სხვადასხვა ფორმატზე მორგების შესაძლებლობას იძლევა. ibis Tbilisi City-ის შეხვედრების ოთახები თანამედროვე ტექნოლოგიური აღჭურვილობითაა უზრუნველყოფილი, რაც პრეზენტაციების, ტრენინგებისა და სამუშაო სესიების კომფორტულად ჩატარებას უზრუნველყოფს. ღონისძიების ფორმატის შესაბამისად შესაძლებელია ყავის შესვენების, მსუბუქი წასახემსებლის, ლანჩისა და სრულფასოვანი კვების ორგანიზება. სტუმრებისთვის ხელმისაწვდომია პარკინგის სივრცეც, რაც ღონისძიებაზე მისვლას კიდევ უფრო კომფორტულს ხდის.
ibis Tbilisi City მდებარეობს თბილისში, ორთაჭალაში. მოსახერხებელი ადგილმდებარეობა სტუმრებს უადვილებს როგორც სატრანსპორტო, ისე საფეხმავლო გადაადგილებას ისტორიული ცენტრისა და ძირითადი სავაჭრო და ბიზნეს ლოკაციების მიმართულებით, რაც სასტუმროს მოსახერხებელ არჩევანად აქცევს როგორც საქმიანი, ისე დასასვენებელი ვიზიტებისთვის.
სასტუმროში დაგხვდებათ 156 ოთახი, ოთხი შეხვედრების სივრცე, რესტორანი MARILI და ფიტნეს სივრცე. ეკომეგობრული მიდგომა ibis Tbilisi City-ის ყოველდღიური ოპერირების ნაწილია, სასტუმრო ყოველდღიურ პროცესებში ზრუნავს რესურსების პასუხისმგებლიან გამოყენებაზე, ნარჩენების მართვასა და გარემოზე ზემოქმედების შემცირებაზე. ამ მიდგომის ნაწილია ერთჯერადი პლასტმასის შემცირება, ეკომეგობრული გადაწყვეტილებების დანერგვა და პლასტმასის ნივთების ხის ალტერნატივებით ჩანაცვლება. სწორედ ამგვარი ყოველდღიური პრაქტიკებით არის ინტეგრირებული მდგრადი სტუმარმასპინძლობის პრინციპები სასტუმროს ოპერირებაში.
