დაბადების დღე თითოეული ბავშვის ცხოვრებაში განსაკუთრებული მომენტია – ეს არის ემოციებით, სიურპრიზებითა და მხიარული თავგადასავლებით სავსე განსაკუთრებული მოვლენა, რომლის მოგონებებიც დიდხანს რჩება.
სწორედ ამიტომ, მშობლებისთვის სადღესასწაულო სივრცის შერჩევა არანაკლებ მნიშვნელოვანია – აუცილებელია შვილებს ისეთი დღე აჩუქონ, რომელიც სიხარულთან, მხიარულებასა და სასიამოვნო მოგონებებთან იქნება დაკავშირებული.
ამ მიმართულებით საქართველოში არაერთი გამორჩეული გასართობი ცენტრია, თუმცა თითოეულ მათგანს საკუთარი კონცეფცია და სტუმრებისთვის შეთავაზებული გამოცდილება გამოარჩევს.
მათ შორისაა Kids Dream – ორთაჭალაში მდებარე ბავშვთა და მოზარდთა გასართობი ცენტრი, რომელიც დაბადების დღეებისა და სხვა განსაკუთრებული ღონისძიებებისთვის სტუმრებს მრავალფეროვან პროგრამებს, თემატურ წვეულებებსა და ინდივიდუალურ გეგმას სთავაზობს.
როგორია ცენტრის კონცეფცია, რა ელოდებათ პატარა სტუმრებს და როგორ ცდილობს Kids Dream თითოეული დღესასწაული განსაკუთრებულ გამოცდილებად აქციოს – ამ თემებზე OK! Magazine-ს ცენტრის თანადამფუძნებელს, სოფიო ჩხიკვაძეს ესაუბრა:
მოგვიყევით თქვენი გასართობი ცენტრის შესახებ. რა არის მისი მთავარი კონცეფცია?
Kids Dream არის ბავშვთა და მოზარდთა გასართობი ცენტრი, რომელიც ორთაჭალაში მდებარეობს. ჩვენი მთავარი იდეაა, შევქმნათ სივრცე, სადაც ბავშვები დაუვიწყარ ემოციებს მიიღებენ, მშობლები კი შეძლებენ, მათი განსაკუთრებული დღეები სასიამოვნო მოგონებებად აქციონ.
ჩვენთვის Kids Dream მხოლოდ დაბადების დღის აღნიშვნის ადგილი არ არის – ეს არის სივრცე, სადაც ბავშვების ოცნებები რეალობად იქცევა, მეგობრობა, მხიარულება და ახალი თავგადასავლები კი ყოველდღიურობის ნაწილი ხდება.
რა ასაკის სტუმრებზეა გათვლილი ცენტრი?
ცენტრი გათვლილია ბავშვებსა და მოზარდებზე. ვცდილობთ, თითოეულ ასაკობრივ ჯგუფს შევთავაზოთ მის ინტერესებსა და სურვილებზე მორგებული გასართობი პროგრამები. ჩვენი მიზანია, ყველა სტუმარმა იპოვოს მისთვის საინტერესო აქტივობა და ცენტრიდან დადებითი ემოციებით წავიდეს.
რა დახვდებათ სტუმრებს თქვენს ცენტრში?
Kids Dream-ში სტუმრებს მრავალფეროვანი გასართობი პროგრამები ელოდებათ. გვაქვს წამყვანისა და მისი დამხმარის მონაწილეობით გამართული პროგრამები, DJ, სახალისო კონკურსები, საპნის ბუშტების შოუ, კარაოკე, Xbox, ფოტოზონები და დაბადების დღის საზეიმო რიტუალები.
ასევე, ვთავაზობთ თემატურ წვეულებებს, მათ შორის ჰოლივუდის, ნეონისა და K-pop-ის სტილში. გვინდა, ბავშვებმა თავი საყვარელი თავგადასავლის მონაწილეებად იგრძნონ და თითოეული ვიზიტი განსაკუთრებულ მოგონებად აქციონ.
რას სთავაზობთ მშობლებს დაბადების დღეებისა და სხვა განსაკუთრებული დღეების აღსანიშნავად?
დაბადების დღე ჩვენი ცენტრის ერთ-ერთი მთავარი მიმართულებაა. მშობლებს ვთავაზობთ სხვადასხვა პაკეტს, რომლებიც ბავშვების რაოდენობისა და ოჯახის სურვილების მიხედვით განსხვავდება.
პროგრამა მოიცავს ორსაათიან გართობას, წამყვანს, მის დამხმარეს, DJ-ს, სახალისო აქტივობებსა და სხვა სადღესასწაულო ელემენტებს. შესაძლებელია დამატებითი მომსახურებების შერჩევაც, მათ შორის ანიმატორის, ფოტოგრაფისა და ვიდეოგადაღების.
ჩვენთვის მნიშვნელოვანია, რომ მშობლებს ორგანიზების პროცესი გავუმარტივოთ, ბავშვებს კი ისეთი დაბადების დღე ვაჩუქოთ, რომელიც დიდხანს ემახსოვრებათ.
როგორ ზრუნავთ ბავშვების უსაფრთხოებაზე?
ბავშვების უსაფრთხოება ნებისმიერი გასართობი ცენტრისთვის უმნიშვნელოვანესი საკითხია. ჩვენთვის მნიშვნელოვანია, რომ სტუმრებმა თავი კომფორტულად იგრძნონ. მშობლებს უნდა ჰქონდეთ ნდობა იმ გარემოს მიმართ, სადაც შვილებს ატარებენ.
უსაფრთხო გარემოს შექმნა გულისხმობს სივრცის სწორ ორგანიზებას, გასართობი მოწყობილობების მდგომარეობის კონტროლსა და ბავშვების აქტივობებზე სათანადო ყურადღების მიქცევას.
რამდენად არის სივრცე ადაპტირებული შეზღუდული შესაძლებლობის მქონე ბავშვებისთვის?
მიგვაჩნია, რომ ყველა ბავშვს უნდა ჰქონდეს გართობისა და სასიამოვნო გამოცდილების მიღების შესაძლებლობა. თითოეული ბავშვის საჭიროებების გათვალისწინება და მათ მიმართ ყურადღებიანი დამოკიდებულება ძალიან მნიშვნელოვანია.
ამ მიმართულებით აუცილებელია სივრცის ხელმისაწვდომობისა და ინდივიდუალურ საჭიროებებზე მორგების შესაძლებლობების გათვალისწინება, რათა ბავშვებმა შეძლონ გარემოთი უსაფრთხოდ და კომფორტულად სარგებლობა.
ძალიან მნიშვნელოვანია გასართობი მოწყობილობების ტექნიკური გამართულობაც. მათი მდგომარეობის რეგულარული კონტროლი, შესაძლო ხარვეზების დროული გამოვლენა და საჭიროების შემთხვევაში შესაბამისი ზომების მიღება.
ჩვენთვის პრიორიტეტულია, რომ გასართობი გარემო იყოს მოწესრიგებული და მოწყობილობები გამოყენებული იქნეს სათანადო პირობებში.
როგორ ზრუნავთ ჰიგიენასა და სანიტარიულ ნორმებზე?
ბავშვთა გასართობ სივრცეში სისუფთავე და ჰიგიენა ყოველდღიური ზრუნვის მნიშვნელოვანი ნაწილია. განსაკუთრებული ყურადღება ექცევა იმ ზედაპირებისა და სივრცეების სისუფთავეს, რომლებითაც ბავშვები ინტენსიურად სარგებლობენ.
ჩვენთვის მნიშვნელოვანია მოწესრიგებული გარემოს შენარჩუნება და სისუფთავის კონტროლი, რათა სტუმრებმა ცენტრში დრო კომფორტულ გარემოში გაატარონ.
რა სიახლეები და გეგმები გაქვთ სამომავლოდ?
ჩვენი მიზანია, მუდმივად განვავითაროთ Kids Dream და სტუმრებს კიდევ უფრო მრავალფეროვანი გამოცდილება შევთავაზოთ. გვინდა, დავამატოთ ახალი თემატური წვეულებები, სეზონური ღონისძიებები, შემოქმედებითი აქტივობები და საინტერესო პროგრამები სხვადასხვა ასაკის ბავშვებისთვის.
მთავარი სურვილია, Kids Dream იყოს ადგილი, სადაც ბავშვებს ყოველთვის მოუნდებათ დაბრუნება, მშობლები კი დარწმუნებული იქნებიან, რომ მათი შვილებისთვის განსაკუთრებული დღის ორგანიზებას სასიამოვნო და დასამახსოვრებელ გამოცდილებად ვაქცევთ.
ტექსტი: ანი შავიშვილი
