ჩემი დილა ყოველთვის წყლის სმით იწყება. გაღვიძებიდან პირველი ორი საათი არ ვიკვებები. შემდეგ მივირთმევ ვაშლს, გრეიფრუტს ან ახლად გამოწურულ ხილის ან ჯეჯილის წვენს, რომელიც ძალიან ჯანსაღი და სასარგებლოა. ამის შემდეგ ვსვამ ყავას რძით და მივირთმევ ხაჭოს, მაწონს და კოვზ თაფლს ან საკუთარი ხელით მომზადებულ ხილფაფას მოცხარით, ჟოლოთი და შინდით. სადილს ვტოვებ. ვიხემსები ხილით, თხილით, ნუშით, ნიგვზით და შესაძლოა დავლიო კიდევ ჭიქა ყავა მცირე შოკოლადთან ერთად. პარალელურად, მთელი დღის განმავლობაში ვსვამ წყალს. 6-7 საათზე ვვახშმობ, რომლის რაციონიც შედგება ბოსტნეულის სალათისგან და ცილისგან. პურს თავს ვარიდებ და ხშირად მჭადით ვანაცვლებ.
გთავაზობთ ჯანსაღი კვების პროდუქტებს, რომლებსაც ყოველდღიურად მივირთმევ:
- წყალი, დღის განმავლობაში 2-3 ლიტრი
- ვსვამ მხოლოდ ცოცხლად გამოწურულ წვენებს, დღეში თითო ჭიქას
- ხილი, განსაკუთრებით ვაშლი, ჩემი რეგულარული საკვებია
- ბოსტნეული − ნებისმიერი სახეობის
- ხაჭო
