დღეს სწორ კვებაზე განსაკუთრებით ბევრს საუბრობენ. საბედნიეროდ, ეს უკვე მხოლოდ მოდური ტენდენცია აღარ არის. კვლევები სულ უფრო მკაფიოდ აჩვენებს, რამდენად მნიშვნელოვან გავლენას ახდენს კვება ადამიანის ენერგიაზე, განწყობასა და ყოველდღიურ პროდუქტიულობაზე.
ოფისში ცუდად ორგანიზებული ლანჩი არის მხოლოდ დაკარგული დრო, ეს არის კიდევ ერთი მიზეზი, რის გამოც თანამშრომელს შუადღის შემდეგ კონცენტრაცია უჭირს. კარგად დაგეგმილი საოფისე კვება შეიძლება ჩვეულებრივი ლანჩიდან რეალურ კორპორატიულ ბენეფიტად იქცეს.
დატვირთულ სამუშაო გრაფიკში ხარისხიანი და დაბალანსებული კვების ორგანიზება მარტივი ნამდვილად არ არის. სწორედ ამ პრობლემის გადაწყვეტას გვთავაზობს „დელიკატო“, მობილური კვების უზრუნველყოფის კომპანია, რომელსაც ფურშეტებისა და საოფისე კვების მიმართულებით 20 წელზე მეტი გამოცდილება აქვს. ამ საკითხზე კომპანია „დელიკატოს“ დამფუძნებელს, დავით ზაქარაიას ვესაუბრეთ.
რა სერვისს სთავაზობთ კომპანიებს საოფისე კვების მიმართულებით?
ჩვენ შევქმენით ჯანსაღი კვების ბოქსები, რომლებიც მათთვისაა გათვლილი, ვისაც დატვირთული სამუშაო დღის პირობებშიც სურს სრულფასოვანი და დაბალანსებული კვება. ამ ჯანსაღი კვების ხაზს „დელიკატო საღი“ ჰქვია. თითოეული ბოქსის კალორაჟი და შემადგენლობა დათვლილია, ინფორმაცია კი პროდუქტზეა მითითებული. რაც მნიშვნელოვანია, ჩვენი ჯანსაღი კვების ხაზი ექიმ-ნუტრიციოლოგ ნატალია გოგავასთან თანამშრომლობით არის შემუშავებული და დამოწმებული.
დამსაქმებლებისთვის, ვისთვისაც თანამშრომლების კეთილდღეობა მნიშვნელოვანია, ეს ყოველდღიური საოფისე კვების ორგანიზების მარტივი და მოსახერხებელი გზაა. საკვები პირდაპირ ოფისში მიეწოდებათ.
ლანჩს მხოლოდ კვებითი ფუნქცია არ აქვს, მას სოციალური მნიშვნელობაც აქვს. საერთო კვება თანამშრომლებს ერთმანეთთან კომუნიკაციის საშუალებას აძლევს, აახლოებს სხვადასხვა დეპარტამენტის ადამიანებს და საბოლოოდ ოფისში ყოფნის ყოველდღიურ გამოცდილებასაც ცვლის.
მიწოდება ხორციელდება წინასწარ შეთანხმებულ დროს. ლოჯისტიკური გუნდი უზრუნველყოფს საკვების ტემპერატურის შენარჩუნებას ტრანსპორტირებისას. ამ მიმართულებით ვემსახურებით თბილისსა და მის შემოგარენს.
როგორ შევარჩიოთ ჯანსაღი და დაბალანსებული მენიუ საოფისე კვებისთვის და როგორი უნდა იყოს ჯანსაღი ლანჩი თანამშრომლებისთვის?
ჯანსაღი საოფისე კვების მენიუ, პირველ რიგში, მრავალფეროვანი და დაბალანსებული უნდა იყოს. არ არსებობს ერთი კერძი, რომელიც ყველა თანამშრომლის გემოვნებასა და კვებით საჭიროებებს მოერგება, ამიტომ ჯანსაღი კვების მენიუს დაგეგმვისას მნიშვნელოვანია განსხვავებული არჩევანის შეთავაზება. ჯანსაღი კვება არ ნიშნავს მხოლოდ სალათის ფოთლებს და არც იმას, რომ ადამიანს მუდმივად შია. ჩვენს მიერ შემუშავებული ბოქსები არის დაბალანსებული კვება, რომელიც ადამიანს ენერგიის შენარჩუნებაში ეხმარება და საშუალებას აძლევს, იცოდეს, რას მიირთმევს. მოსახერხებელია განსაკუთრებით მათთვის, ვისაც დატვირთული სამუშაო დღის პირობებში ჯანსაღი ლანჩის ორგანიზებისთვის დრო არ აქვს. ამ პრინციპზეა შექმნილი Delicato-ს ჯანსაღი კვების მიმართულება „დელიკატო საღი“, რომლის მთავარი ფილოსოფიაა „ის ხარ, რასაც ჭამ“.
„დელიკატო საღის“ ერთ-ერთი მთავარი უპირატესობა ის არის, რომ მომხმარებელს წინასწარ აქვს ინფორმაცია კერძის შემადგენლობისა და კალორაჟის შესახებ. კიდევ ერთი მნიშვნელოვანი უპირატესობა არის მრავალფეროვანი მენიუ და კერძების მონაცვლეობა. თანამშრომელს ყოველდღე ერთი და იმავე საკვების არჩევა არ უწევს. ამასთან, კვების ორგანიზება შესაძლებელია პირდაპირ ოფისში, რაც თანამშრომელს ზოგავს დროს და ათავისუფლებს ყოველდღიური არჩევანისგან სად წავიდეს, რა იყიდოს და რამდენი დრო დახარჯოს ლანჩზე.
ჩვენთვის მნიშვნელოვანია არა მხოლოდ ის, რომ საკვები იყოს ჯანსაღი, არამედ ისიც, რომ ჯანსაღი კვება იყოს მარტივი, ხელმისაწვდომი და რეალურად თავსებადი თანამედროვე სამუშაო დღის რიტმთან.
„დელიკატო საღის“ ჯანსაღი კვების ბოქსების შეძენა მხოლოდ ოფისში მიტანის სერვისით არის შესაძლებელი, თუ მომხმარებელს მათი შეძენა ფიზიკურ სივრცეშიც შეუძლია?
Delicato წარმოდგენილია ორ კაფეში — ალექსიძის 1-სა და ინგოროყვას 22-ში. სხვათა შორის, ჩვენი დაკვირვებით, მათაც კი, ვინც ჯანსაღი კვების რეჟიმს მისდევს, დროდადრო სურთ კვების რუტინისგან მცირე გადახვევა და საყვარელი კერძით სიამოვნების მიღება. სწორედ ამიტომ, ჩვენს კაფეებში სპეციალური Cheat Day კუთხე შევქმენით. ასე რომ, Delicato მხოლოდ ჯანსაღი კვების მიმდევრებისთვის არ არის, აქ ყველას შეუძლია, თავისი სურვილის მიხედვით, გემრიელი და სასიამოვნო კვება აირჩიოს.
„საღი“ Delicato-ს ერთ-ერთი ახალი მიმართულებაა. თუმცა კომპანია ფურშეტისა და ქეითერინგის მიმართულებით 2005 წლიდან მუშაობს. რა გამოცდილება დაგიგროვდათ ამ სფეროში და რას სთავაზობთ დღეს მომხმარებელს?
ფურშეტი და ღონისძიებების კვებით უზრუნველყოფა ჩვენი საქმიანობის ერთ-ერთი პირველი მიმართულებაა. 2005 წლიდან ამ სფეროში მუშაობამ დიდი გამოცდილება დაგვიგროვა. ვიცით, რამდენად მნიშვნელოვანია ღონისძიებისთვის სწორად შერჩეული მენიუ, ხარისხიანი პროდუქტი, რაოდენობების სწორად გათვლა და თითოეული დეტალის ორგანიზება.
დღეს Delicato ფურშეტის მომსახურებას სთავაზობს როგორც კორპორატიული ღონისძიებების, ისე კერძო წვეულებებისა და სხვადასხვა ფორმატის ღონისძიებების ორგანიზატორებს. ჩვენი მიზანია, მასპინძელს კვების დეტალებზე ზრუნვა შევუმსუბუქოთ და სტუმრებს გემრიელი, ხარისხიანი და კარგად ორგანიზებული ფურშეტი შევთავაზოთ მთელი საქართველოს მასშტაბით.
რა არის ყველაზე მნიშვნელოვანი, რაც ფურშეტის ან წვეულებისთვის ქეითერინგის დაგეგმვისას უნდა გავითვალისწინოთ?
პირველ რიგში, ღონისძიების ფორმატი და სტუმრების რაოდენობა. ამის მიხედვით უნდა შეირჩეს ფურშეტის მენიუ, კერძების რაოდენობა და ულუფები. მნიშვნელოვანია, მენიუ იყოს მრავალფეროვანი და სხვადასხვა გემოვნებას მოერგოს.
ფურშეტის დაგეგმვისას ხშირად ყურადღება მხოლოდ საკვებზეა გამახვილებული, მაშინ როცა არანაკლებ მნიშვნელოვანია მისი სწორად განთავსება, დროული მიწოდება და სტუმრებისთვის მოსახერხებელი ფორმით შეთავაზება. საბოლოოდ, კარგი ფურშეტი ის არის, როცა მასპინძელი ორგანიზაციულ დეტალებზე აღარ ფიქრობს და თავადაც შეუძლია ღონისძიებით ისიამოვნოს.
და ბოლოს, ერთი კითხვა, რომელიც ალბათ ყველა HR-სა და ოფისის მენეჯერს აინტერესებს: რა უნდა გაითვალისწინოს კომპანიამ ქეითერინგის ან ფურშეტის მომსახურების შეკვეთამდე?
ქეითერინგის კომპანიის შერჩევისას მნიშვნელოვანია რამდენიმე ძირითადი საკითხის წინასწარ გარკვევა: რამდენი სტუმარი იქნება, რა ფორმატის ღონისძიებაა, როგორი უნდა იყოს ფურშეტის მენიუ, რას მოიცავს მომსახურება და როგორ ხდება საკვების მიწოდება და ორგანიზება.
კომპანიამ ასევე უნდა ჰკითხოს ქეითერინგის მიმწოდებელს, აქვს თუ არა მსგავსი კორპორატიული ღონისძიებებისა და ფურშეტების გამოცდილება, შეუძლია თუ არა მენიუს სტუმრების რაოდენობისა და ღონისძიების ფორმატის მიხედვით დაგეგმვა და ითვალისწინებს თუ არა განსხვავებულ გემოვნებასა და კვებით საჭიროებებს.
„დელიკატო“ ფურშეტისა და ქეითერინგის მიმართულებით 2005 წლიდან მუშაობს. კარგი ქეითერინგი მხოლოდ გემრიელი საკვები არაა. მნიშვნელოვანია ხარისხიანი მენიუ, სწორად გათვლილი რაოდენობები, დროული მიწოდება და ღონისძიების ყველა დეტალის ორგანიზება. ჩვენ ვამაყობთ, რომ ყოველთვის უმაღლეს შეფასებებსა და მადლობებს ვიღებთ პარტნიორებისგან.
